အေပရယ်ဖူး

မနေ့က သူငယ်ချင်းတစ်ယောက် လာပြီးစကားပြောတယ်

He: Can you help me?

Me: What is that?

He : Looking for a girl who wanna sleep with me at MBS for one night? 

ပထမတော့ နည်းနည်းကြောင်သွားတယ်.. ဒီကောင်ဘာလဲပေါ့... ဒါနဲ့ကြောင်တောင်တောင် လုပ်ပြလိုက်တော့ သူတော်တော်စိတ်လေသွားတယ်....  နောက်တော့ သူကဘဲပြန်ရှင်းရတယ်.. မနက်ဖြန်မှ ဖူးရင် နင်တို့တွေ သိပ်လန့်မှာ မဟုတ်လို့ ဒီနေ့ကြိုဖူးလိုက်တာတဲ့ နင်ကလည်း ကြောင်တောင်တောင်နဲ့ဆိုပြီး စိတ်လေလေနဲ့ ပြောသွားတယ်... အေပရယ်ဖူးပြန်လုပ်တဲ့သူကို ပြန်ဖူးပေးလိုက်တာ... 

ဒါနဲ့ ဘယ်သူကို အရှုးလုပ်ရရင်ကောင်းမလဲလို့ စဉ်းစားကြည့်လိုက်တာ ကံဆိုးသူကတော့ ကျွန်မရဲ့ အရင်းနှီးဆုံး သူတစ်ယောက်ပေါ့.... ဘယ်လိုစရရင်ကောင်းမလဲလို့ လှည့်ပတ်စဉ်းစားတယ်။  အရူးလုပ်တယ်ဆိုကတည်းက အဲဒီလူကို ထိသွားအောင်လုပ်မှရမယ်ဆိုပြီး သေချာစဉ်းစားပြီးတာနဲ့ သူဂျီတော့မှာ ပြောထားလိုက်တယ်။ မနက်အိပ်ရာလည်းနိုးကတည်းက သူစိတ်ဆိုးနေလောက်ပြီးဆိုတာ သိတာနဲ့ သူကိုစကားပြောချင်လို့ အားရင်ပြန်ခေါ်ပါလို့ ပြောလိုက်တော့ သူစိတ်ဆိုးဆိုးနဲ့ပြန်ခေါ်ပါတယ်... သူအဲသံကြားတာနဲ့ တော်တော်စိတ်ဆိုးနေပြီးဆိုတာသိလိုက်တယ် Happy April Fool Day... ဆိုပြီး သူ့ကိုပြောလိုက်တော့ ဒါနောက်စရာလားဆိုးပြီး စိတ်တွေဆိုးနေပါတယ်။ အခုအတန်ထဲမှာ စာသင်နေတယ်မအားဘူးဆိုပြီး ပြောသွားတယ်။ စိတ်ဆိုးပြေအောင် တော်တော်လေးချော့လိုက်ရတယ်။ အေပရယ်ဖူးလုပ်တာ အောင်မြင်သွားတယ်ပေါ့။ 

ဖေ့ဘွတ်မှာ သူငယ်ချင်းတစ်ယောက်က လာပြောတယ် "အဲ့လို လူမျိုးဒွေပေါ့ ဟွန့် မုန်းဒယ်..."တဲ့ အရူလုပ်ခံလိုက်ရပြီလားလို့ မေးတော့ "ဒါပေါ့ ဧပြီ ၁ ရက်နေ့ (April Fool Day) ဆို တာ သတိထားနေရင်းနဲ့ ခံလိုက်ရတယ်" တဲ့... ဒါပေမဲ့ သူပျော်ပါတယ်တဲ့လေ....

နောက်ထပ်သူငယ်ချင်းတစ်ယောက်ကတော့ "ယနေ့  .. တနေ့ လုံးအတွက် .. အရေးကြီးသော မည်သည့် အကြောင်းအရာကိုမှ .. မည်သူပြောပြော .. ယုံကြည်လိမ့်မည် .. မဟုတ်ပါကြောင်း .." ဆိုပြီး ဖေ့ဘွတ်မှာ တင်လို့ ကြိုတင်သတင်းပေးထားတယ်။ 

နောက်တစ်ယောက်ကလည်း "သူငယ်ချင်းများ facebook ထဲဝင်ရင်လေး သူ့ကိုပြောလိုက်စမ်းပါ ဖေ့ဘွတ် ဆိုတာ ရူးကြောင်ကြောင် ဂေါက်တောက်တောက် ပေါတောတော တွေကျက်စားရာ နေရာကြီးပေါ့ ။ April fool :P" ဆိုပြီး ရေးထားလေရဲ့.... 

ဘယ်သူတွေကို ဘယ်လိုစရမလဲလို့ စဉ်းစားနေရင်း ကိုယ့်ကို အေပရယ်ဖူးလုပ်တဲ့လင့်လေး မေးထဲကို ရောက်လာတယ်...http://www.winesu.tk/   ဆိုတဲ့လင့်လေးကို သူငယ်ချင်းတွေဆီကို ပို့ပေးလိုက်တယ်။ တစ်ချို့ကလည်း ဘူးခံငြင်းကြတယ်.. လုံးဝမကြည့်ဘူးတဲ့... သူငယ်ချင်းတစ်ယောက်ကတော့ အငိုက်မိသွားတယ်။ ဝိုင်းစုအကြောင်းထင်နေလို့တဲ့... နင်ငါ့ကို အရူးလုပ်နိုင်သွားပြီလို့ လာပြောသွားတယ်။  

ဘယ်သူစပြီး ထွင်ခဲ့မှန်းမသိတဲ့ သူတပါကို အရူးလုပ်တဲ့နေတစ်နေ့ပါ...ဝိကီကတော့ ဒီလိုဆိုတယ်။ အေပရယ် ၁ရက်နေ့မှာ တစ်ကမ္ဘာလုံးကျင်းပတဲ့နေ့ပါ။ အများသူငါရုံးပိတ်ရက်တော့ မဟုတ်ပါဘူး ဒါပေမဲ့ အားလုံးက ဟာသတွေမျိုးမျိုးလုပ်ပြီး အသိအမှတ်ပြုကျင်ပတဲ့ နေ့တစ်နေ့ပါ.. သူငယ်ချင်းတွေ မိသားစုတွေ အိပ်နီးနားချင်းတွေ ကိုယ်ခင်ရာမင်ရာလူတွေကို ပျော်ရွင်စရာ ဟာသလေးတွေ၊  နောက်ပြောင်လိမ် လည်မှုတွေ၊ လက်တွေကျတဲ့ ဟာသလေးတွေကို စနောက်ကျရင်း ကျင်းပကြပါတယ်။  

နယူးဇီလန်၊ အိုင်ယာလန်၊ အင်္ဂလန်၊ သြော်စတေီလျ၊ တောင်အာဖရိက တချို့တိုင်းပြည်တွေမှာ နေ့လည်ခင်းမတိုင်မီမှာ စနောက်ကြပြီး နေ့လည်ခင်းကျော်သွားပြီးအချိန်မှာ စနောက်ကျတဲ့သူတွေကိုတော့ အေပရယ်အရူးလို့ ခေါ်ကြပါတယ်။ ပြင်သစ်၊ အီတလီ၊ တောင်ကိုရီးယား၊ ဂျပန်၊ ရုရှား၊ နယ်သာလန်၊ဂျာမနီ၊ ဘရာဇီး၊ ကနေဒါ၊ အမေရိကားနိုင်ငံတွေကတော့ တနေ့လုံးစကြနောက်ကြပါတယ်။ 

ဘာဘဲဖြစ်ဖြစ် အပျော်သဘောနဲ့ စကြနောက်ကြတဲ့ နေ့လေးတစ်နေ့ပါ။ အရူးလုပ်တဲ့သူရော.. အရူးလုပ်ခံရတဲ့သူရော ပျော်ရွှင်စရာလေးတွေဖြစ်ပါစေ... 

ဂူဂယ်ကလည်း http://mail.google.com/mail/help/motion.html ဒါလေးနဲ့ ပါဝင်ဆင်နွဲပါတယ်... 

ကိုယ်ရည်ကိုယ်သွေး တောက်ပဖို့

စာမရေးဖြစ်တာလဲကြာပြီ... တစ်နေ့တစ်နေ့ ဘာတွေမှန်းမသိတာတွေနဲ့အလုပ်ရှုပ်ရင်း အချိန်တွေက ကုန်လွန်သွားတယ်။ စာမရေးတော့ဘူးလားလို့ တဖွဖွမေးနေတဲ့ ချစ်သူငယ်ချင်းလေးအတွက် ဒီပို့လေးကိုရေးလိုက်ပါတယ်။

လူမှာအဝတ် တောင်းမှာအကွပ် ဆိုတဲ့အတိုင်း လူတစ်ယောက်ရဲ့ ဝတ်စားဆင်ယင်မှုဟာ သူ့ရဲ့ ကိုယ်ရည်ကိုယ်သွေးနဲ့ သူ့ရဲ့အပြုအမူဟန်ပန်ကို ဖော်ပြလေ့ရှိပါတယ်။ ဒါကလည်း ကိုယ့်ရဲ့ဟန်ပန်အမူအယာကို ဘယ်လိုပုံစံမျိုးဖြစ်ချင်တယ်ဆိုတဲ့ ကိုယ့်ရဲ့စိတ်သဘောထားပေါ်မှာ မူတည်ပါလိမ့်မယ်။ ဝတ်စားဆင်ယင်မှုအနေနေ့ပြောရရင် ကိုယ်သွားမဲ့နေရာ အခန်းအနားပေါ်မူတည်ပြီး လိုက်ဖတ်အောင် ဝတ်ဆင်တတ်ဖို့ဟာလည်း အရေးကြီးတဲ့ အချက်တစ်ချက်ပါ။ စီးပွားရေးလုပ်ငန်းရှင်ပုံစံ၊ အတတ်ပညာရှင်ပုံစံ၊ ထသွားထလာအတွက် ပေါ့ပေါ့ပါးပါးပုံစံ စသဖြင့် ပုံစံအမျိုးမျိုးကို ဝတ်ဆင်တဲ့အခါ စမတ်ကျနေဖို့လိုအပ်ပါတယ်။ ကိုယ်ဝတ်တဲ့အဝတ်ဟာ ကိုယ့်ခန္ဓာကိုယ်နဲ့ အံကိုက်ဖြစ်နေဖို့က အရေးကြီတဲ့အချက်တစ်ချက်ပါ။ ကိုယ်ဝတ်နေကြဆိုဒ်ထက် နှစ်စလောက်သေးတဲ့(သို့)နှစ်စလောက်ကြီးတဲ့ အဝတ်တစ်ခုကိုဝတ်ဆင်ထားတဲ့ပုံစံကို စိတ်ထဲမှာ မြင်ယောင်ကြည့်လိုက်တာနဲ့ ဘယ်လောက်ကို့ရို့ကားယားနိုင်မလဲဆိုတာ သိနိုင်ပါတယ်။ သေသေသပ်သပ်ဝတ်ဆင်ခြင်းဟာလည်း ကိုယ့်ရဲ့အသွင်အပြင် စိတ်နေသဘောထားကို ဖော်ပြရာမှာ တစိတ်တဒေသပါဝင်ပါတယ်။ သန့်ရှင်းသပ်ရပ်မှုနဲ့အတူ သက်တောင့်သက်သာ ဖြစ်ဖို့ကလည်း နောက်ထပ်အရေးကြီးတဲ့ တစ်ချက်ဖြစ်တယ်။

အရောင်များရွေးချယ်တတ်ခြင်းဟာလည်း ကိုယ့်ရဲ့ဟန်ပန်အမူအယာကို ပိုပြီးအသက်ဝင်အောင် ဖန်တီးနိုင်ပါတယ်။

အနက်

ပုံစံတကျနဲ့ ခန်းနားမှုရှိတယ်၊ ခေတ်ဆန်ပြီး ဆွဲဆောင်မှုရှိတယ်အရောင်လို့ပြောချင်တယ်။

နေဗီအပြာ

ကြည့်ကောင်းတဲ့ပုံစံမျိုးကိုရစေတယ်။ ရိုးရှင်းမှုနဲ့အတူ သဘာဝကျကျလှပစေနိုင်တယ်။

အဖြူ

အရောင်တွေအားလုံးထဲမှ အကောင်းဆုံးအရောင်လို့ပြောရမလားမသိဘူး။ တခြားဘယ်အရောင်နဲ့မဆို လိုက်ဖတ်မှုရှိတယ်။ ကြည်လင်ရှင်းသန့််မှုနဲ့အတူ ဖြူစင်အေးမြမှုသဘောဆောင်တယ်။

မီးခိုး

တည်ငြိမ်အေးချမ်းမှုနဲ့အတူ ကိုယ့်ကိုကိုယ်ယုံကြည်မှုတွေရှိစေတယ်။

တောက်ပသောအရောင်

လိမ္မော်ရောင်တောက်တောက် အစိမ်းရောင်တောက်တောက် စသဖြင့်အရောင်တောက်များဟာ နေရာတိုင်းအတွက် မသင့်လျှော်တာကြောင့် အမြဲဝတ်ဖုိ့ကောင်းတဲ့အရောင်မျိုး မဟုတ်ပါဘူး။

အရောင်ရင့်ရင့်

နက်ပြာ၊ မီးခိုးရင့်ရင်၊ မဟော်ဂနီ၊ အစိမ်းရင့်ရင်၊ ခရမ်းရင့်ရင့် စသဖြင့်အရောင်ရင့်များဟာ ပိန်သွားတယ်လို့ထင်ရအောင် မျက်လှည့်ပြနိုင်တဲ့ အရောင်မျိုးတွေဖြစ်ပါတယ်။

အရောင်ဖျော့

အဝါနုနု၊ အစိမ်းဖျော့ဖျော့၊ အပြာရောင်လွင်လွင် စသဖြင့်အရောင်ဖျော့များကတော့ လူကိုပိုပြီး ကြီးသယောင်ယောင်ရှိစေတာကြောင့် သတိထားပြီးဝတ်ဖို့ လိုလိမ့်မယ်။

အရောင်တွေကို တွဲဖတ်ဝတ်ဆင်တဲ့အခါ လိုက်ဖတ်မှုရှိမရှိကို အရင်သတိပြုရပါမယ်။ အနက်ရောင်လေး ထည့်ပြီဝတ်ဆင်ခြင်းဖြင့် သံမာဖျတ်လတ်တဲ့ပုံစံလေးဖြစ်စေတယ်။ အဖြူရောင်လေးနဲ့တွဲဖတ် ဝတ်ဆင်လိုက်ရင်လည်း နုညံ့ညင်သာမှုပုံစံလေးပေါက်နေမှာပါ။ အညိုရောင်တွေတွဲဖတ်ဝတ်ဆင်ခြင်းဖြင့် နွေးထွေးမှုနဲ့အတူ ဖော်ရွေမှုပုံစံလေးဖြစ်နေပါလိမ့်မယ်။ အရောင်ရင့်ရင့်နဲ့ အရောင်နုနုကိုအတူတကွ တွဲဖတ်ဝတ်ဆင်လိုက်မယ်ဆိုရင် အချိုးကျကျနဲ့ လှပနိုင်မှာပါ။ သတိထားရမဲ့အချက်ကတော့ အရောင်သုံးရောင်ထက်မပိုဘဲ ဝတ်ဆင်သင့်တယ်။

ဆံပင်ပုံစံကလည်း လူတစ်ယောက်ကိုဘဲ ပုံသဏ္ဌာန်အမျိုးမျိုးဖြစ်သွားအောင် ပြောင်းလဲပေးနိုင်တယ်။ အရမ်းတိုလွန်း(သို့)အရမ်းရှည်လွန်းရင်လည်း မကောင်းပြန်ဘူး။ ကိုယ်နဲ့လိုက်ဖက်မှုရှိတဲ့ ဆံပင်ပုံစံကို ရွေးချယ်တတ်မှသာ ပိုကြည့်ကောင်းပြီး ရှိရင်စွဲအသက်ထက် ငယ်ရွယ်တဲ့ပုံစံမျိုးရမှာပါ။ ဆံပင်အရောင်ဆိုးရင် ကျွမ်းကျင်တဲ့ ဆံပင်ပညာရှင်တွေရဲ့ အကြံကိုယူပြီး ဆိုးတာပိုကောင်းတယ်။ အရမ်းတောက်ပလွန်းတဲ့အရောင်တွေ(ဥပမာ အစိမ်း၊အဝါ၊အဖြူ) ကိုလည်းရှောင်သင့်တယ်။ ကိုယ့်ရဲ့ဆံပင်ကြောင့် ကိုယ့်ကိုအရိုအသေတန်တဲ့ပုံစံမျိုး မဖြစ်သင့်ဘူးလေ။ ဆံပင်အရောင်ကို အမြဲအပြောင်းအလဲလေး လုပ်သင်တယ်။ အပြောင်းအလဲ အသစ်အဆန်းပုံစံကြောင့် စိတ်ဓာတ်တက်ကြွမှုပါ ရနိုင်သေးတယ်။ ဆံပင်ပုံစံပြောင်းလိုက်တာနဲ့ ကိုယ့်ရဲ့မိတ်ကပ်လိမ်းတဲ့ပုံစံ၊ ဝတ်စားဆင်ယင်မှုကိုပါ လိုက်ဖတ်အောင် ပြောင်းလဲဖို့လိုပါလိမ့်မယ်။

မျက်နှာကိုဘာမှမလိမ်းဘဲ ရုံးတက်ဖို့စိတ်မကူးပါနဲ့။ ကိုယ့်ကိုကိုယ် ယုံကြည်မှုရှိဖို့နဲ့ သူများတွေ ကိုယ့်ကို လေးစားမှုရှိဖို့အတွက် အနည်းငယ်တော့ ပြင်ဆင်ချယ်သဖို့လိုလိမ့်မယ်။ မျက်ခုံးမွေးကို သေသေသပ်သပ်ဆွဲထားခြင်းဖြင့် ရှိရင်းစွဲအသက်ထက် ပိုပြီးငယ်ရွယ်သွားသလို သစ်လွင်လန်းဆန်းနေမှာပါ။ မျက်တောင်ကော့ဆေးသုံးခြင်းဖြင့် မူရင်မျက်တောင်မွေးထက် ပိုရှည်ထွက်လာအောင် ပြုလုပ်နိုင်ပါတယ်။ မျက်လုံးအရောင်ချယ်တဲ့အခါမှာ ကိုယ့်အဝတ်အစားနဲ့ လိုက်ဖက်မှုရှိမှသာ ပိုကြည့်ကောင်းတဲ့ မျက်နှာလေးဖြစ်လာမှာလေ။ မိတ်ကလိမ်းချယ်နည်းကလည်း အနုပညာတစ်မျိုးမို့ ကိုယ့်ချယ်တတ်ရင် ချယ်တတ်သလို လှပလာမှာပါ။ သွားမဲ့နေရာဒေသကိုကြည့်ပြီး ချယ်သဖို့ကလည်း အရေးကြီးပါတယ်။ မနက်ခင်းရုံးသွားမှာကို Smokey eyes လိုချယ်သွားရင်တော့ ရုံးရောက်တာနဲ့ ဘာတွေဖြစ်လာလဲလို့ မေးခံရနိုင်ပါတယ်။ မိတ်ကပ်လိမ်းတဲ့အခါ အရမ်းထူပြစ်ပြစ်ကြီးမလိမ်းမိအောင် သတိထားရမယ်။ နှုတ်ခမ်းနီဆိုတဲ့အခါ ကိုယ့်နှုတ်ခမ်းသားနဲ့ လိုက်ဖတ်တဲ့အရောင်ကို ဆိုးရမယ်။ ကိုယ့်နှုတ်ခမ်းသားက ခပ်ညိုညိုဆိုရင် အရောင်ဖျော့ဖျော့လေးတွေ ဆိုးတဲ့အခါ သိပ်ပြီးလှပနိုင်မှာဟုတ်ဘူး။ နှုတ်ခမ်းနီအရည်ကတော့ သင့်ကိုအဲ့သြလောက်အောင် လှသွားစေလိမ့်မယ်။ နှုတ်ခမ်းနီအရည် ဆိုးတဲ့အခါ နှုတ်ခမ်း အလည်တည့်တည့်မှာသာဆိုပြီး ဘေးဘက်တွေကို ဆိုးဖို့မလိုအပ်ပါဘူး။ ဒါမှသာ နှုတ်ခမ်းဖူးဖူးလေးနဲ့ လှပနေမှာပါ။

အားလုံးပြင်ဆင်လို့အပြီးမှာ ဖိနပ်ကိုလည်း လိုက်ဖက်အောင်ရွေးချယ်ရပါမယ်။ ညစ်ပတ်ပေရေ နေတဲ့ဖိနပ်ကိုစီးပြီး ဘယ်တော့မှ အပြင်မထွက်ပါနဲ့။ ညှပ်ဖိနပ်အပါးများဟာ အိမ်နေရင်းစီးဖို့၊ ကမ်းခြေသွားတဲ့အခါမှ စီးဖို့လောက်သာ သင့်တော်ပါတယ်။ ရှုးဖိနပ်တွေ စီးတာကြာပြီနောက် အနည်းငယ်စုတ်နေပြီဆိုရင် ဘယ်လောက်ပဲ သက်တောင့်သက်သာရှိပါစေ ဆက်ပြီးစီးဖို့ မသင့်တော်ပါဘူး။ အရမ်းမြင့်လွန်းတဲ့ ဖိနပ်တွေဟာ ခြေစွယ်ငုတ်ခြင်းကို တွန်းအားပေးသလို တခြားခြေထောက်ပြသာနာတွေ ဖြစ်နိုင်တဲ့အတွက် အမြဲမစီးသင့်ပါဘူး။ ခါနာခြင်းဆိုတဲ့ အပိုဆုကိုလည်း ရနိုင်သေးတဲ့အတွက်ကြောင့်ပါ။

အားလုံးပြင်ဆင်ပြီနောက်မှာ အိပ်ပြင်ကိုမထွက်ခင် မှန်ထဲမှာ တစ်ချက်လောက်ကြည့်ကာ ဇစ်တွေ၊ကြယ်သီးတွေကို စစ်ဆေးပြီး ကိုယ့်ကိုကိုယ်ယုံကြည်မှုတွေ တပါတည်း ထည့်ယူသွားလိုက်ပါ။

Ref: Polish Your Personal Branding

လွမ်း …..

နေ့နဲ့ညတွေ လည်နေပေမဲ့

ကန္တာရနှလုံးသားက

အိုအေစစ်မေတ္တာကိုတောင့်တ

အမှတ်တရ နေ့စွဲများအတွက်

မေ့မရသူရင်ထဲမှာ

အညတရ မျက်ရည်ပန်းတွေပွင့်

တစ်ချိန်တည်းမှာ

ရင်ခုန်ကြည်နူးလိုက်

ကြေကွဲနွမ်းလျလိုက်

မျှော်လင့်တမ်းတလိုက်နဲ့

သံသရာခရီးကြမ်းမှာ

ငါလေ....

မရေရာဘဲလွမ်း.........

ဒိုင်ယာရီထဲက စာစုများ

စာမရေးဖြစ်တာလဲကြာပြီ...ယူနီနဲ့ ဇော်ဂျီကြားမှာလည်း တဝဲလည်လည်။ အကြောင်းအရာကလည်း စဉ်းစားလို့မရတာနဲ့ ရှိနေတာလေးကိုတင်လိုက်တယ်။ အရင်က ဒိုင်ယာရီအဟောင်းလေးထဲက စာသားတွေပါ... ကိုယ်တိုင်ရေးထားတာတွေပါသလို ကြိုက်လွန်းလို့ ပြန်ကူးထားတဲ့ စာသားလေးတွေလည်းပါတယ်။

"အခက်အခဲဆိုတာ ဥာဏ်နုံတဲ့သူအတွက် ဘဝတစ်ခုလုံး ကျိုးပျက်သွားပေမဲ့ အသိဥာဏ်ရှိသူတစ်ယောက်အတွက် ဘဝကြီးတစ်ခုလုံး တိုးတက်သွားနိုင်တယ် "


"လူ့ဘဝမှာ မြင့်မြတ်တဲ့စိတ်ထား၊ လေးနက်မှန်ကန်တဲ့ အသိဥာဏ်ရှိမှသာ လူဖြစ်ရကြိုးနပ်တယ်။ အလေးနက်ဆုံး အသိဥာဏ်ကို ဘဝအတွေ့အကြုံထဲကပဲ ရနိုင်တယ် "


"ကြီးကြီးကျယ်ကျယ် လေးလေးနက်နက်စဉ်းစားလျှင် ကြီးမားသော အကျိုးရလဒ်ကို ဖြစ်စေသည်။ သာမန်စဉ်းစားလျှင် သာမန်အကျိုးရလဒ်သာ ရရှိနိုင်သည်"

"သူများအပေါ်ကောင်းဖို့ အမြဲကြိုးစားပါ။ သူများမကောင်းခဲ့ရင်လည်း နားလည်ခွင့်လွှတ်ပေးပါ။ "


"ကြေကွဲမှု ပျက်စီးမှု ဆုံးရှုံးမှုတွေနဲ့အတူထွက်ပေါ်လာတဲ့ တောင်းပန်ပါတယ်ဆိုတဲ့စကားကို လွယ်လွယ်နဲ့ မသုံးမိအောင် သတိထားပါ"

"မိမိကိုယ်ကို ထိန်ချုပ်သောအလေ့အကျင့် မွေးမြူပါ။ စိတ်လှုပ်ရှားခံစားမှုများ၊ လက်တလောဆန္ဒများ၏ ကျေးကျွန်အဖြစ်မခံပါနှင့်။ စိတ်ရှည်ဇွဲရှိသူ၊ ကိုယ်ပိုင်စည်းကမ်းကို အောင်မြင်စွာ လိုက်နာတတ်အောင် ကြိုးစားပါ "

"ရည်ရွယ်ချက်ကို မြင့်မြင့်ထားပါ။ ပန်တိုင်ကိုရွေးပါ။ ပန်တိုင်ကို ရောက်ရန်အတွက် နည်းလမ်းရှိသရွေ့ ကြိုးစားလုပ်ကိုင်ပါ"

"အများသူတွေအပေါ် အမြဲတမ်းစေတနာထားနိုင်ရင် အကျိုးသက်ရောက်မှု ရှိလိမ့်မယ်"

"ဘဝဆိုတာ နာကျင်စရာလဲမဟုတ်၊ ပျော်ရွှင်စရာလဲမဟုတ်ဆိုတာကို သတိရပါ။ ဘဝဆိုတာ လေးနက်လှတဲ့ လုပ်ငန်းဖြစ်စဉ် ဖြစ်ပါတယ်။ သတိနဲ့ ရင်ဆိုင်ရမယ်၊ စွန့်လွတ်တဲ့ စိတ်ဓာတ်နဲ့ ယှဉ်ပြိုင်ရမယ် "

"တက်လျှင်မြင့်၏၊ ဆင်းလျှင်နိမ့်၏၊ သွားလျှင်ရောက်၏၊ ထူလျှင် ထ၏၊ ပျက်အစဉ် ပြင်ခဏ ဟူသောထုံးကို နှလုံးမူရမည် "


"ကြီးမားတဲ့ ရည်ရွယ်ခက်တစ်ခုအတွက် သေးငယ်တဲ့ နှလုံးသားခံစားချက်ကို ဥပက္ခာပြုနိုင်ရမယ် "


"ကိုယ့်ဘဝ ကောင်းတယ်မကောင်းဘူးဆိုတာ ကိုယ့်စိတ်ဓာတ်နဲ့ ကိုယ့်အပြုအမူပေါ်မှာ မူတည်တယ် "

"စိတ်ရှည်ဇွဲသန်ခြင်းနှင့် ဝိရိယစိုက်ထုတ်ခြင်းတို့သည် ရေရှည်အောင်မြင်မှုအတွက် အကောင်းဆုံး အရင်းအနှီးများဖြစ်သည် "


"မှန်ကန်စွာ ချစ်တတ်သောသူတစ်ယောက်အဖို့ အချစ်ဆိုတာ လူသိရှင်ကြားဖြစ်ဖို့ မလိုအပ်ပါ၊ အဝေးကြီးကနေ လူမသိသူမသိ တိတ်တိတ်ကလေး ချစ်ရသောအချစ်သည် ရင်ထဲက သစ္စာတရားကို ပို၍ပို၍ ဂုဏ်ရှိစေပါသည် "

"မျှော်လင့်ချက်ပန်းတိုင်ကို လျှောက်လှမ်းတဲ့အခါ ခြေလှမ်းတိုင်းမှာ ယုံကြည်မှုတွေ ခိုင်မာပါစေ "


"မိဘကို စိတ်ချမ်းသာအောင်ထားခြင်းဟာ ကျေှးဇူးဆပ်နည်းတစ်မျိုးဆိုတာ အမြဲသတိရပါ "


"လူတစ်ယောက်မှာ အရေးကြီးဆုံးက စိတ်ဓာတ်ပဲ။ စိတ်ဓာတ်ရင့်ကျက်တဲ့သူနဲ့တွေ့ရင် အတုယူတတ်ရမယ်။ မရင့်ကျက်တဲ့သူနဲ့တွေ့ရင်တော့ ဥပက္ခာပြုနိုင်ရလိမ့်မယ် "

"ကတိတစ်ခုကို ဖြစ်နိုင်မှပေး၊ ပေးပြီးသားကတိတစ်ခုကိုတည်နိုင်အောင်ကြိုးစားပါ "


"အလေးအနက်တန်ဖိုးထားပြီး ချစ်တတ်သူတွေအဖို့တော့ နီးခြင်းဝေးခြင်းဟာ သစ္စာတရားကို မယိုင်နဲ့စေတတ်ပါဘူး။"


"ကိုယ်လုပ်နေတဲ့အလုပ်တစ်ခုကို အမြဲအောင်မြင်ရမယ်၊ ရှုံးနိမ့်မှုမရှိစေရဟု အမြဲတွေးပါ "


"ဆိတ်ဆိတ်နေပါ သို့မဟုတ် ထို့ထက်ပို၍ တန်ဖိုးရှိသောစကားကိုဆိုပါ "

"ဘဝခရီးဟာ တစ်ပြေးညီတော့မဟုတ်ဘူး။ မကြာခဏ ကြမ်းတမ်းမယ်။ ချောမွေ့ဖြောင့်ဖြူးတဲ့အခါလည်း ရှိနိုင်တယ် "


"ကိုယ်ကကြိုက်လို့ ကောင်းတာထက် ကောင်းတာမို့လို့ ကြိုက်တယ်ဆိုရင် အကောင်းဆုံးကို ရနိုင်တာပေါ့ "

"အရာရာကို အောင်မြင်နိုင်ဖို့ မိမိရဲ့ အရာရောက်မှုကို မြှင့်တင်ပေးရမယ် "

 "မိန်းမတစ်ယောက်ဟာ ရင်ထဲကအချစ်ကို သေသပ်စွာ သိမ်းဆည်းထားတတ်သလို ဘဝတစ်ခုကို အဓိပ္ပါယ်ရှိအောင် နေတတ်တဲ့နေရာမှာလည်း ကျွမ်းကျင်မှု ရှိပါတယ် "

နှစ်သစ်ကူး အမှတ်တရ

ဒီနှစ် နှစ်သစ်ကူးချိန်မှာ သူငယ်ချင်းတွေနဲ့ Marina Bay Count Down သွားမယ်လို့ စီစဉ်ထားတယ်။ ၃၁ရက်နေ့မနက်မှာဘဲ အမလိုခင်ရတဲ့သူတစ်ယောက်က ဖုန်းဆက်ပြီး သူ့တူမလေးဆုံးသွားကြောင်း အကြောင်းကြားလာခဲ့တယ်။ ကြားလိုက်ရတဲ့သတင်းကြောင့် တော်တော်လေးစိတ်မကောင်းဖြစ်မိတယ်။ ညနေ ၃:၄၅ မိနစ်မှာ မီးသဂြိုလ်ဖို့စီစဉ်ထားတယ်တဲ့။ ဒါနဲ့ဘဲ နှစ်သစ်ကူးချိန် လျှောက်လည်မဲ့ အစီအစဉ်ကို ဖျက်လိုက်ပြီ ညနေဘက် သုံးနာရီကျော်လောက်မှာ Taxi ငှားပြီ Mandai Crematorium & Columbarium Complex ကိုသွားခဲ့တယ်။ ဒီမှာရောက်နေတာ လေးနှစ်ပြည့်တော့မယ် တခါမှ အဲဒီကိုမသွားဖူးတော့ Taxi မောင်းတဲ့သူကိုဘဲ အားကိုးပြီး သွားခဲ့ရတယ်။ အဲဒီနေရာကိုလည်းရောက်ရော Taxi မောင်းတဲ့သူက ဘယ်နေရာမှာ ချပေးရမလဲဆိုတော့ ဘယ်ကိုသွားရမလဲမသိဘူးလို့ပြောတော့ မီးရှို့တဲ့နေရာကို သွားချင်တာလားလို့ဆိုတာနဲ့ အဲဒီနေရာကိုဘဲ ပို့ခိုင်းရတယ်။ မီး သင်္ဂြိုလ် တဲ့ နေရာတွေကလည်းအများကြီး ဆိုတော့ ဘယ်ဟောထဲမှာလဲဆိုတာ လှမ်းမေးပြီး အရောက်သွားခဲ့ရတယ်။ ရောက်သွားတဲ့ အချိန်မှာဘဲ  မီး သင်္ဂြိုလ်ဖို့အတွက် ရွေ့လျားစက်လေးနဲ့ စက်ထဲကိုထည့်ဖို့ ဖြည်းဖြည်းချင်းထည့်နေတာကို တွေခဲ့ရတယ်။ စိတ်မကောင်းခြင်းများစွာနဲ့ဘဲ ကြည့်နေရင်း သံဝေဂရမိတယ်။  အရိုးပြာယူဖို့နဲ့  မီး သင်္ဂြိုလ်စရိတ်အတွက် S$1200 ပေးခဲ့ရတယ်။ အရိုးပြာကိုတော့ နောက်နေ့မနက် ၁၀နာရီမှာလာယူဖို့ပြောလိုက်တယ်။ 

လိုက်ပို့တဲ့သူအချို့ကိုလည်း City Hall ထိပြန်ပို့ပေးကာ ကျန်တဲ့သူများကတော့ သူတို့အိမ်ကိုဘဲ ပြန်လာခဲ့ကြပြီး နောက်နေ့မနက် သက်ပျောက်ဆွမ်းကယ်လှူဖို့အတွက် ပြင်ဆင်ကြရတယ်။ လူရင်းတွေလောက်သာ ခေါ်ထားတဲ့အတွက် လူတွေအများကြီးတော့မဟုတ်ပါဘူး။ ညဘက် လိုအပ်တာများကို ပြင်ဆင်ရင်နဲ့ အချိန်ကတဖြည်းဖြည်းကုန်သွားခဲ့တယ်။ ၁၁နာရီလောက်ကတည်းက နှစ်သစ်ကူးအတွက် SMS တွေတဖွဲဖွဲ ဝင်လာနေရင်းနဲ့ ၁၂နာရီမထိုးခင်မှာဘဲ အိပ်ပျော်သွားခဲ့တယ်။ နှစ်သစ်ကိုကြိုဆိုဖို့က စိတ်ကူးထဲမှာဘဲ ပြီးဆုံးသွားပါတယ်။ ၁ရက်၊၁လ၊၂၀၁၁ မနက်ငါးနာရီလောက်မှာ အိပ်ရာထပြီး အာရုံဆွမ်းကပ်ဖို့အတွက် ဆက်လက် ပြင်ဆင်ကြရတယ်။ ခြောက်နာရီထိုးခါနီလောက်မှာ ဘုန်းဘုန်းတွေကြွလာပြီး သက်ပျောက်ဆွမ်းကပ်ကာ တရားနာယူခဲ့ကြပါတယ်။ 

နံနက်ဆယ်နာရီလောက်မှာ Mandai Crematorium ကိုသွားကာ အရိုးပြာကို ယူခဲ့ရတယ်။ အရိုးပြာအိုးကို သေဆုံးသူရဲ့ အသက်ထက်ငယ်သောသူကသာ ကိုင်ဆောင်ရမယ်ဆိုတာကြောင့် သူ့ညီမလေးကိုဘဲ ကိုင်ဆောင်စေခဲ့ပါတယ်။ အရိုးပြာကို ရေမျှောဖို့အတွက် တရုပ်ဘုန်းကြီးတစ်ပါးရဲ့ ဦးဆောင်မှုနဲ့အတူ  Changi Village Ferry Terminal ကိုရောက်ကာ မော်တော်ဘုတ်တစ်စီးပြီး ပင်လယ်ဘက်ကို ထွက်ခဲ့ကြတယ်။ Pulau Ubin ကျွန်းအကျော်လောက်ရောက်တာနဲ့ မော်တော်ဘုတ်ကိုရပ်ကာ ဘုန်ကြီးက ခေါင်းလောင်းလေးတီးလို့ တရုပ်လို ရွတ်ဖတ်သရဇယ်မှုကို လုပ်တယ်။ ပြီးတာနဲ့ လှေပေါ်မှာပါလာတဲ့လူဆယ်ယောက်ကို တစ်ယောက်ချင်းဆီ အရိုးပြာတွေကို ရေထဲ့သို့ပစ်ချစေပါတယ်။ နောက်ဆုံးမှာ အရိုးအိုးသယ်လာတဲ့ ညီမလေးကဘဲ နောက်ဆုံးကျန်တဲ့ အရိုးတွေကိုရေထဲသို့ပစ်ချလိုက်ပါတယ်။ တော်တော်လေး ဝမ်းနည်းစရာကောင်းတဲ့ အချိန်လည်းဖြစ်ပါတယ်။  

ပြီးတဲ့နောက်မှာ မော်တော်ဘုတ်နဲ့ ပြန်လည်ထွက်ခွာပြီး Changi Village Ferry Terminal ကိုရောက်ရှိခဲ့ကြတယ်။ Ferry Terminal ရောက်တော့ အားလုံးကိုလက်ဆေးဖို့ ဘုန်းကြီးက သတိပေးတာကြောင့် လက်ဝင်ဆေးကာ အိမ်ကိုပြန်ခဲ့ကြတယ်။ လူတွေအားလုံးလည်း အနည်းငယ် ပင်ပန်းနေကြပြီလေ။ မသာတစ်ခေါက် ကျောင်းဆယ်ခေါက်ဆိုတဲ့ စကားလိုဘဲ မထင်မှတ်ဘဲ အသုဘပို့ပေးဖြစ်တဲ့ နှစ်သစ်ကူးပါ။  ၁ရက်၊ ဇန်နဝါရီလ၊ ၂၀၁၁ခုနှစ်မှာ ပြုလုပ်ဖြစ်တဲ့ ကုသိုလ်တစ်မျိုးဖြစ်ပါတယ်။

ကြည်လင်တောက်ပတဲ့ အသားအရေပိုင်ရှင်တစ်ယောက်ဖြစ်ဖို့

 http://shwebeauty.com/မှ ညီမလေး တစ်ယောက်က သူတို့ဘလော့မှာ လာရေးဖို့ ဖိတ်ခေါ် တာကြောင့်  ဒီပို့လေးကို အဲဒီမှာ ရေးဖြစ်တယ်။ ကိုယ့်ဘလော့မှာ စုစုစည်းစည်း ဖြစ်စေချင်တာကြောင့် ဒီမှာပြန်တင် လိုက်ပါတယ်။ 

 

ကြည်လင်တောက်ပနေတဲ့ အသားအရေ ပိုင်ရှင်တစ်ယောက် ဖြစ်ဖို့အတွက် ဘာတွေလိုအပ်မလဲဆိုရင် ကိုယ့်အသားအရည်ကို ဘယ်လိုထိန်းသိမ်း စောင့်ရှောက်လဲဆိုတာနဲ့ ဆိုင်ပါလိမ့်မယ်။ ဒီတော့ကိုယ်နဲ့လိုက်ဖက်တဲ့ skin care တွေမဝယ်ခင်မှာ ကိုယ့်အသားအရေက ဘယ်လိုအနေအထားရှိလဲ ဘယ်လိုမျိုးထိန်းသိမ်းမှုတွေ လုပ်သင့်လဲဆိုတာ သိထားဖို့က အရေးကြီးဆုံးပါ။

လူ့ရဲ့အသားအရည်ဟာ Ph 5.5 ရှိပြီး mild acid အမျိုးအစားဖြစ်တယ်။ ဒီတော့ ကိုယ်သုံးတဲ့ ပစ္စည်းတွေဟာလည်း Ph 5.5 ဖြစ်သင့်တယ်။ တကယ်လို့ ကိုယ်သုံးတဲ့ ပစ္စည်းတွေက Ph 5.5 ထက်ပိုတဲ့ alkaline အမျိုးအစားတွေဖြစ်ခဲ့မယ်ဆိုရင် အသားအရေကသူ့ရဲ့ Ph level ကို လိုက်ညှိုိနေရတဲ့အတွက် ကြာလာတဲ့အခါ အသားအရေပျက်စီးဖို့ကို ပိုပြီးတွန်းအားပေးသလို ဖြစ်နေပါလိမ့်တယ်။ နောက်ထပ်အရေးကြီးတာက ကိုယ့်အသားအရေဟာ ဘယ်လိုအမျိုးအစားလဲဆိုတာ သိဖို့လိုအပ်တယ်။ အဆီပြန်တဲ့အသားအရေပိုင်ရှင်လား၊ ခြောက်သွေ့တဲ့ အသားအရည် ပိုင်ရှင်လား သို့မဟုတ် နှစ်ခုလုံး ပေါင်းစပ်ထာတဲ့ အသားအရည်ပိုင်ရှင်မျိုးလား ဆိုတာကို စစ်ဆေးတတ်ဖို့လိုပါလိမ့်မယ်။

တစ်လတစ်ကြိမ် ကိုယ့်ရဲ့အသားအရေကို ထိန်းသိမ်းစောင့်ရှောက်ဖို့အတွက် ဘယ်လိုအဆင့်လေးတွေ လုပ်သင့်တယ်ဆိုတာကို အဆင့်အလိုက် ပြောပြပါမယ်။ Artistry ကိုသာ ကြိုက်နှစ်သက်လွန်းတာကြောင့် Artistry ပစ္စည်းတွေသုံးပြီးတော့ ပြောပြသွားပါမယ်။  Artistry ပစ္စည်းတွေ အားလုံးဟာ Pure Organic ဖြစ်တာကြောင့် အသားအရေပျက်စီးမှာကို လုံးဝပူစရာမလိုပါဘူး။  ရွေးချယ်မှုကတော့ လူတစ်ကိုယ်အကြိုက်တမျိုးမို့ လွတ်လပ်စွာ ရွေးချယ်နိုင်ပါတယ်။

ဘယ်လိုတံဆိပ်မျိုးကို ရွေးချယ်သင့်လဲဆိုရင် အခုကမ္ဘာမှာ ရောင်းအားအကောင်းဆုံး  Prestige Brand တွေကတော့ Artistry, Lancôme, Estée Lauder, Clinique , Chanel ဆိုပြီးတော့ Euromonitor ကနေ ဈေးကွက်လေ့လာမှုလုပ်ထားပါတယ်။ Prestige Brand ဆိုတာဘယ်လိုသတ်မှတ်လဲဆိုရင် ဒီပစ္စည်းတွေထုတ်လုပ်ဖို့အတွက် ကိုယ်ပိုင်စိုက်ပျိုးရပါမယ်။ ကိုယ်ပိုင် R&D and Scientists တွေရှိရပါမယ်။ Color, Skin Care အားလုံးအပြည့်အစုံ ထုတ်ရပါမယ်။ ဒီလိုအချက်အလက်တွေနဲ့ပြည့်စုံမှသာ Prestige Brand လို့သတ်မှတ်ပါတယ်။

1.     Makeup Remover

မျက်နှာမှာ မိတ်ကပ်တွေလိမ်းထားခဲ့ရင် Makeup Remover ကိုသုံးဖို့အကြံပြုပါတယ်။ Makeup Remover မသုံးဘဲ Cleanser ကိုဘဲသုံးရင်ရော မရဘူးလာလို့မေးလာရင်တော့ ရပါတယ်။ ဒါပေမဲ့ Makeup Remover ကမိတ်ကပ်တွေကိုဖျက်ပေးလိုက်တဲ့အတွက် Cleanser ထဲမှာပါတဲ့ ပစ္စည်းတွေက မျက်နှာကိုပိုပြီး အထောက်အကူပြုစေပါတယ်။ တကယ်လို့ Makeup Removerမသုံးခဲ့ရင် Cleanserအနေနဲ့ မိတ်ကပ်တွေကို ဖျက်ပေးလိုက်တဲ့အလုပ်ကိုသာလုပ်နိုင်တော့တဲ့အတွက် Cleanserထဲမှာပါတဲ့အသုံးဝင်တဲ့အရာတွေက မျက်နှာထဲကို မရောက်တော့တာကြောင့်ပါ။ Makeup Remover သုံးပြီးနောက် ရေစွတ်ထားတဲ့ ဖော့တုန်းလေးနဲ့ အသာလေးသုတ်ပေးလိုက်ပါ။

2.    Cleanser (Facial Form)

Makeup Remover သုံးပြီးနောက်မှာ မျက်နှာကိုသန့်သွားအောင်လုပ်ဖို့အတွက် Cleanserကိုအသုံးပြုပါမယ်။ Cleanserကိုမျက်နှာပေါ်မှာ အစက်လေးတွေချပြီး မျက်နှာကိုမတိုက်ပါနဲ့။ ဆပ်ပြာတွေကို အမြှုတ်ထွက်လာအောင်လုပ်ရင်းနဲ့ ကိုယ့်မျက်နှာအသားအရေကို လျော့ရဲလာအောင် ပွတ်တိုက်တဲ့ အတွက်ကြောင့်ပါ။ Cleanserကိုသုံးဖို့အတွက် မှန်ကန်တဲ့နည်းလမ်းက လက်ကိုဆပ်ပြာနဲ့စင်အောင်ဆေးပြီးရင် Cleanser ကို လက်ထဲထည့်ပြီး အမြှုတ်များထွက်လာအောင် လက်ထဲမှာပြုလုပ်ပြီးမှသာ မျက်နှာပေါ်ကိုတင်ရပါမယ်။ မျက်နှာသစ်တဲ့အချိန်မှာ Beauty Finger လို့ခေါ်တဲ့ လက်ခလယ်နဲ့လက်သကြွယ် ၂ချောင်းကိုသာ သုံးပြီး အပေါ်ကိုပင့်တင်တဲ့စက်ဝိုင်းအတိုင်း သစ်ရပါမယ်။ ဘာကြောင့် Beauty Finger လို့ ခေါ်ရလဲဆိုတော့ လက်ငါးချောင်းကို ထောက်ကြည့်လိုက်ရင် လက်ခလယ်နဲ့လက်သကြွယ်က အားအပျော့ဆုံးဖြစ်နေလို့ပါ။ မျက်နှာကိုကိုင်တွယ်ရင် နုညံ့ညှင်သာစွာ ကိုင်တွယ်ဖို့က အရေးကြီးတာကြောင့် ဖြစ်ပါတယ်။ လက်နှစ်ချောင်းနဲ့ ဖြည်းဖြည်းချင်းပွတ်တိုက်ပြီးမှသာ ရေနှင့်ပြန်ဆေးချလိုက်ပါ။

3.     Toner

မျက်နှာသစ်ပြီးသွားပြီဆိုရင် Toner ကိုသုံးကာ မျက်နှာကိုထပ်ပြီးသန့်စင်ပါမယ်။ အချို့လူတွေက  Tonerသုံးဖို့မလိုအပ်ပါဘူးလို့ ထင်ကြတဲ့သူတွေ ရှိတတ်ပါတယ်။ တကယ်တော့ Tonerက Cleanser သုံးပြီးနောက်ကျန်နေသေးတဲ့ အညစ်အကြေးတွေကို ထပ်ပြီးသန့်စင်ပေးတာပါ။ အထူးသဖြင့် ချွေးပေါက်ထဲ့မှာ ကျန်နေတဲ့အရာတွေကို အပြီးသတ်ဖယ်ရှားပေးတာပါ။ ပြီးရင် ကိုယ့်ရဲ့ Ph level ကိုပြန်ညှိ့ပေးလိုက်တာမို့  လေကြောင့်၊ နေရောင်ကြောင့်၊ စိတ်ဖိစီးမှုကြောင့် ပျက်ဆီးသွားတွေကို ကာကွယ်ဖို့ဖြစ်ပါတယ်။ ကိုယ်နဲ့လိုက်ဖက်တဲ့ Toner ရွေးချယ်တတ်ဖို့ကလည်း အရေးကြီးတယ်။ ကိုယ့်အသားအရည်က ရေဓာတ်လိုအပ်နေရင်Essentials Hydrating Toner လိုမျိုး ရေဓာတ်ဖြည့်ပေးတဲ့  Toner မျိုးကို ရွေးချယ်အသုံးပြုရပါမယ်။ အောက်မှာဖော်ပြထားတဲ့ အဆင့်တွေပြီးတိုင်းမှာ Toner သုံးသွားဖို့လိုအပ်ပါတယ်။

4.     Polishing Scrub

Scrubကိုသုံးရခြင်းရဲ့ အဓိကရည်ရွယ်ချက်က ဆဲလ်အသေတွေကို ဖယ်ရှာဖို့အတွက်ပါ။ မျက်နှာမှာရှိတဲ့ ဆဲလ်တွေဟာ ၂၈-ရက်တစ်ကြိမ် သေပြီးအသစ်ပြန်တည်ဆောက်ပါတယ်။ တကယ်လို့ ဆဲလ်အသေတွေကိုသေချာ မဖယ်ရှာခဲ့ရင် အသားအရည်ကညီညာမှုမရှိဘဲ တစ်ချို့နေရာမှာ ဖြူပြီး တချို့နေရာမှာညိုတိုတို ဖြစ်နေပါလိမ့်မယ်။ Scrub ကိုသုံးလိုက်ခြင်းဖြင့် အသားအရည်က ညီညီညာညာနဲ့ မျက်နှာပြင်ချောမွေ့မှုရှိလာပြီး ပိုမိုကောင်းမွန်လာမှာပါ။ နှာခေါင်းတဝိုက်မှာရှိတဲ့ ဆားဝက်ခြံတွေကို ဖယ်ရှာဖို့အတွက်ဆိုရင် Scrub က မရှိမဖြစ်ပါ။ Scrub မသုံးခင်မှာ မျက်နှာကို ရေစိုစိုဖြစ်အောင် ရေအနည်းငယ်စွတ်ပြီး  Scrub ကြိုဖည်းဖြည်းညင်သာစွာ ပွတ်တိုက်ရပါမယ်။ Artistry Essential Polishing Scrub ထဲမှာပါဝင်တဲ့ အစိလေးတွေက Jojoba လို့ခေါ်တဲ့ သဲကန္တာရမှာပေါက်တဲ့ အပင်လေးတွေကနေ ထုတ်ယူဖော်စပ်ထားလို့ အသားအရေကို ထိခိုက်ပျက်စီးမှာ စိတ်ပူစရာမလိုအပ်ပါဘူး။

5.     Massage Cream

Massage လုပ်တယ်ဆိုတာ အညောင်းအညာပြေစေဖို့ဖြစ်တယ်။ ဒီလိုဘဲ  Facial Massage လုပ်ခြင်းဖြင့် မျက်နှာပေါ်မှသွေးကြောတွေ ပုံမှန်လည်ပတ်ဖို့၊ အသာအရည် ကြည်လင်ဖို့၊ အသားအရည် ချောမွေ့လာဖို့အတွက်ပဲဖြစ်ပါတယ်။ Switch facial massage နည်းနဲ့  Artistry Creamy Massage ကိုသုံးပြီး Massage လုပ်ပါမယ်။ ထောပတ်သီးနဲ့အတူ တခြားမျက်နှာအတွက် လိုအပ်တာတွေနဲ့ ထုတ်လုပ်ထားတဲ့အတွက် အသားအရေကို နုညံ့ချောမွေ့အောင် ပြုလုပ်ပေးတာကြောင့် အကြိုက်ဆုံးပစ္စည်းထဲမှာ တစ်ခုအပါအဝင်ပါဘဲ။ Massage Cream နဲ့ နှိပ်နယ်ပြီးနောက်မှာ ဂွာဆာလို့ခေါ်တဲ့ အရာလေးနဲ့ ဆွဲပေးလိုက်ရင် မေးရိုးတစ်လျှောက်မှာမလိုအပ်တဲ့အဆီပိုတွေကိုလျှော့ချကာ မေးရိုး ထင်ထင်လေးနဲ့ ပိုပြီးလှပလာပါလိမ့်မယ်။ ဂွာဆာနဲ့ပုံမှန်ဆွဲပေခြင်းဖြင့် အသားအရည်တင်းအောင်လည်း ပြုလုပ်နိုင်ပါတယ်။ ပြီးသွားခဲ့ရင်တော့ တစ်ရူးလေနဲ့ အသာအယာပွတ်တိုက်ပြီး ရေဆေးချလိုက်ရင် ချောမွေ့လှပတဲ့ အသားအရည်ကို ရရှိလာမှာပါ။

6.     Masque

မျက်နှာပေါင်းတင်ဖို့အတွက်ဆိုရင် အဆီပြန်တဲ့ အသားအရေပိုင်ရှင်တွေအတွက် Pore Cleansing Masque သုံးပြီးမျက်နှာပြင်မှ အဆီတွေကို ဖယ်ရှားလိုက်သလို ချွှေးပေါက်တွေကိုလည်းကျဉ်းသွားအောင် ပြုလုပ်ပေးနိုင်ပါတယ်။ ခြောက်သွေ့တဲ့ အသားအရေပိုင်ရှင်တွေအတွက်  Moisture Intense Masque ကိုအသုံးပြုကာ မျက်နှာတစ်ပြင်လုံးကိုလိမ်းပြီး ပေါင်းထင်ထားရပါမယ်။ ဆယ်မိနစ်လောက်ကြာပြီးနောက်မှာ မျက်နှာကို ရေခပ်စိုစိုဖြစ်အောင် ပြုလုပ်ပြီး Masque တွေကို ရေဆေးဖယ်ရှာလိုက်ရင် တင်းရင်းတဲ့အသာရည်နဲ့အတူ နုညံ့ချောမွေ့မှုကိုပါ ခံစားသိရှိနိုင်ပါတယ်။

7.     Eye Cream

အသက်ကြီးလာပြီဆိုတာကို သိသာလာအောင်ပြတဲ့အရာတွေကတော့ မျက်လုံးအောက်နားက အရေးအကြောင်းတွေပဲဖြစ်ပါတယ်။ ဘယ်လောက်ပဲ လှနေအောင်ပြင်ထားပါစေ မျက်လုံးအောက်မှာ အရေးအကြောင်းတွေက အထင်းသာပေါ်နေမယ်ဆိုရင် အနည်းငယ်အကျည်းတန်နေပါလိမ့်မယ်။ ဒါကြောင် အရေးအကြောင်းတွေ လျှော့ကျသွားဖို့အတွက် Eye Cream ကမရှိမဖြစ် သုံးရမဲ့အရာတစ်ခုပါဘဲ။  ARTISTRY Time Defence Lifting Eye Crème ကတော့ မျက်လုံးအောက်မှာရှိတဲ့ အရေးအကြောင်းတွေကို ဖယ်ရှားဖို့အတွက် အကောင်းဆုံးလက်နက်တစ်ခုပါ။

8.     Moisturizer

နောက်ဆုံးအဆင့်အနေနဲ့   Moisturizer လေးလိမ်းပြီး အဆုံးသတ်ဖို့လိုပါပြီ။ တချို့ကအိမ်မှာနေရင် ဘာမှလိမ့်ဖို့လိုအပ်ဖူးလို့ အထင်မှားကြတယ်။  တကယ်တော့ အနဲ့ဆုံး   Moisturizer လိမ်းထားခြင်းဖြင့် လေထဲမှာပါလာတဲ့ ဘက်တီးယီးယားတွေနဲ့အတူ ဖုန်မှုန်အညစ်အကြေးတွေကိုပါ ကာကွယ်ပေး ထားနိုင်ပါတယ်။ နေ့ခင်းနေ့လည် အပြင်ထက်တယ်ဆိုရင် SPF ပါတဲ့ Moisturizer လေးတွေကိုသုံးဖို့လိုအပ်ပြီး ညဖက်တွေမှာတော့ နေရောင်ခြည်မရှိတာကြောင့် SPF မပါတဲ့ Night Cream လေတွေသုံးဖို့အကြံပြုပါတယ်။

ဒီလောက်ဆိုရင် ကိုယ့်ရဲ့အသားအရေကို ထိန်းသိမ်းစောင့်ရှောက်ဖို့အတွက် လစဉ်ပုံမှန် ပြုလုပ်တဲ့နည်းလေးတွေကို သိလောက်ပြီလို့ယူဆပါတယ်။ လစဉ်မဟုတ်ဘဲ အပတ်တိုင်း လုပ်ချင်တယ်ဆိုရင် အမှတ်စဉ် ၁၊၂၊၃၊၄၊၆၊၈ တွေကိုသုံးပြီး ပုံမှန်ပြုလုပ်သွားနိုင်ပါတယ်။ ဒီပစ္စည်းတွေနဲ့ပတ်သက်ပြီး  အသေးစိတ် သိချင်ရင် http://artistry.com/ မှာလေ့လာနိုင်သလို ကျွန်မကိုဆက်သွယ်ပြီး အကြံညဏ်တောင်းယူနိုင်ပါတယ်။

လှပတဲ့အသားအရည်ကို ပိုင်ဆိုင်နိုင်ပါစေ။

နှစ်သစ်ကိုကြိုဆိုခြင်း

၂၀၁၀ ဆိုတဲ့နှစ်ဟောင်းကုန်ဆုံးလို့ ၂၀၁၁ ဆိုတဲ့နှစ်သစ်ကိုရောက်လာတော့မယ်။ နှစ်သစ်နဲ့အတူ ကံကောင်းခြင်းတွေ ပျော်ရွှင်မှုတွေက စောင့်မျှော်နေကြပြီလေ။ နှစ်ဟောင်းမှာ ကောင်းတာဘာတွေလုပ်ခဲ့တယ် မကောင်းတာဘာတွေလုပ်ခဲ့တယ်ဆိုပြီး ကိုယ့်ကိုကိုယ်သုံးသပ်ကြည့်ပြီး တစ်နှစ်ထက်တစ်နှစ် ပိုကောင်းအောင်၊ ပိုစိတ်ချမ်းသာအောင်လုပ်နိုင်ရင် မကောင်းဘူးလား။ အားနည်းချက်လေးတွေ လိုအပ်ချက်လေးတွေကို စဉ်းစားဆင်ချင်ပြီး နှစ်သစ်မှာ ကိုယ်ဖြစ်ချင်တဲ့အရာတွေကို ဖြစ်အောင်လုပ်ဖို့ ကိုယ့်ကိုကိုယ်ကတိပေးပြီး ဖြစ်ချင်တာလေးတွေကို လုပ်ကြည့်နိုင်ရင် ပျော်စရာကောင်းမယ်ထင်တယ်။ ကိုယ်ဖြစ်ချင်တာတွေကို ဖြစ်အောင်လုပ်နိုင်မလား၊ ဖြစ်နိုင်ချေရောရှိရဲ့လားဆိုတာတွေကို သုံးသပ်ကြည့်ဖို့ လိုလိမ့်မယ်။

ကိုယ့်ဘဝမှာ ဘာတွေလိုအပ်နေလဲ၊ ဘာတွေဖြစ်ချင်လဲ၊ ဘယ်လိုမျှော်လင့်ချက်တွေရှိလဲဆိုတွေကို တွေးကြည့်ရင်း နှစ်သစ်ကိုကြိုဆိုလိုက်ပါ။ ကိုယ့်မျှော်လင့်ချက်တွေကို အကောင်အထည်ဖော်ဖို့အတွက် ကိုယ်ဖြစ်ချင်တဲ့အရာလေးတွေကို လက်တွေ့ချရေးလိုက်ပါ။ နှစ်သစ်ကိုကြိုဖို့အတွက် ဖြစ်ချင်တဲ့အကြောင်းအရာလေးတွေကို ဥပမာအနေနဲ့ ချရေးရရင်.... 

ဝိတ်ချရန်

အသက်အရွယ်နည်းနည်းကြီးလာတာနဲ့အမျှ ကိုယ်အလေးချိန် တရိပ်ရိပ်နဲ့တက်လာတာကို ထိန်နိုင်ဖို့အတွက် အစားအသောက် အနေအထိုင်ပုံစံကို ပြုပြင်ပြောင်းလဲဖို့လိုအပ်လာပြီ။ ဝိတ်ချဖို့ အမြဲကြိုးစားနေရင်း အောင်မြင်အောင်မလုပ်နိုင်ခဲ့ရင် ကိုယ့်ကိုကိုယ်မေးခွန်းတချို့  ပြန်မေးဖို့လိုအပ်နေပြီ။ နေစဉ်စားသုံးနေတဲ့ အစားအစာတွေဟာ ကယ်လိုရီပါဝင်မှုနဲတဲ့ အစာအစာတွေဟုတ်ရဲ့လား။ လေ့ကျင်ခန်တွေပုံမှန်လုပ်ဖြစ်လား။ အဖြေက မလုပ်ဖြစ်ဘူးဆိုရင်တော့ လေ့ကျင့်ခန်းလုပ်ဖို့ အချိန်သတ်မှတ်ပြီး စနစ်တကျလုပ်ဖို့ လိုအပ်နေပြီ။ တစ်ပတ်မှာ အနည်းဆုံးသုံကြိမ်လောက် လေ့ကျင့်ခန်းလုပ်ပြီ ပိုနေတဲ့ ကယ်လိုရီတွေကိုလျှောချနိုင်ရင်တော့ လိုချင်တဲ့အနေအထားကို ရလာနိုင်ပါလိမ့်မယ်။ ဒီအချိန်မှာ အရင်ကသိပ်ကြိုက်ခဲ့တဲ့ KFC, McDonald, BBQ စတဲ့အရာတွေကို မစားမိအောင် ရှောင်နိုင်ဖို့လည်း လိုအပ်ပါတယ်။ 

စိတ်ဝင်စားတဲ့ အရာတစ်ခုခုကိုလေ့လာရန်

ကိုယ်မလေ့လာဖူးသေတဲ့ အရာတစ်ခုခုကိုလေ့လာကြည့်ဖို့ စိတ်ကူးရှိလား။ ဥပမာ- ဂစ်တာတီးသင်ခြင်း၊ စကိတ်စီးသင်ခြင်း၊ ရောဂသင်တန်းတက်ခြင်း၊ ရေကူးသင်တန်းတက်ခြင်း အစရှိသဖြင့်ပေါ့။ တကယ်လို့စိတ်ဝင်စားတယ်ဆိုရင် အခုဘဲစုံစမ်းလိုက်ပါတော့။ အသစ်တစ်ခုကို လေ့လာသင်ယူခြင်းဖြင့် ကိုယ့်ရဲ့ ပြင်းစရာကောင်းတဲ့အချိန်တွေ ဖြတ်ကျော်ရင်း စိတ်ဓာတ်တွေလည်း တက်တက်ကြွကြွရှိလာမှာပါ။ 

အကြွေးစာရင်းတွေရှင်းရန်

၂၀၁၀ တစ်နှစ်လုံး ငွေကြေးအကြပ်အတည်းတွေနဲ့ နပန်းလုံးနေလား။ တချို့လည်း ဖုန်းတွေအပြောလွန်ပြီး ဖုန်းခတွေ အလွန်အမင်းကျလို့ ဖုန်းဘေတွေမဆောင်နိုင်တဲ့အဆုံးမှာ ဖုန်းလိုင်းကို ပိတ်ပြစ်လိုက်ရတဲ့ အခြေအနေတွေကလည်း ရှိနေတယ်။ ကိုယ့်ရဲ့အသုံးနဲ့အဖြုန်းကို သေချာသုံးသပ်တတ်ရင်တော့ မလိုလားအပ်တဲ့ အရှုပ်တွေကိုယ့်ဆီရောက်မလာနိုင်ပါဘူး။ ကိုယ့်ရဲ့အသုံးစရိတ်ကိုသေချာသိဖို့အတွက် လစဉ်အသုံးစရိတ်တွေကို စာရင်းနှင့်တကွထားနိုင်ရင် ဝင်ငွေ၊ထွက်ငွေကိုမျှတအောင် ချိန်ဆသုံးနိုင်လာမှာပါ။ ခရက်ဒစ်ကဒ်တွေပေါ်မှာလည်း အရမ်းကြီးမှီခိုလွန်းတတ်တဲ့ အကျင့်ကလည်းမကောင်းဘူး။ လက်မှတ်ကလေးထိုးလိုက်၊ နံပါတ်လေးနှိပ်လိုက်နဲ့ မရှိလဲသုံး၊ရှိလဲသုံးအကျင်းကို ပြင်ဖို့လည်း လိုနေသေးတယ်။ အကောင်းဆုံးကတော့ ကိုယ့်မှာရှိနေတာထက် ပိုမသုံးမိဖို့ အရေးကြီးတယ်။

 

မိသားစု၊သူငယ်ချင်းတွေကို အချိန်ပေးရန်

မိသာစု သို့မဟုတ် သူငယ်ချင်းတွေဟာ ကိုယ့်ကို အမြဲပျော်ရွှင်အောင်ကူညီပေးနေတဲ့ သူတွေပဲလေ။ ဒါကြောင့်သူတို့တွေကို အချိန်ပေးဖို့ဆိုတာ မလုပ်မဖြစ် လုပ်ရမဲ့ အကြောင်းအရာထဲမှာလည် ပါနေတယ်။ ခြွင်းချက်အနေနဲ့ တချို့သောသူငယ်ချင်းများကလည်း ကိုယ့်စိတ်အနှောက်အယှက်ဖြစ်အောင် လုပ်တတ်ကြသေးတယ်။ မိသာစုနဲ့အတူ ညစာအတူတူစားတာတို့ကို တစ်ပတ်မှာ အနည်းဆုံးနှစ်ကြိမ်းလောက်တော့ စားသင့်တယ်လေ။ အဲဒီအချိန်လေးတွေမှာ မိသားစုအချင်းချင်း စကားစမီပြောကြရင်း နွေးထွေးမှုကိုခံစားနိုင်တယ်။ တကယ်လို့ ကိုယ်က မိသားစုနဲ့ဝေးနေတဲ့ နေရာကိုရောက်နေခဲ့ရင်လည်း တစ်ပတ်တစ်ခါလောက်ဖုန်းဆက်ပြီး မိသားစုကို အချိန်ပေးသင့်တယ်လို့ ထင်တယ်။ သူငယ်ချင်းတွေနဲ့ချိန်းပြီး အပြင်ထွက် စားတာတို့၊ တစ်နေရာရာကို သွားလည်တာမျိုကလည်း စိတ်ပင်ပန်းမှုတွေကိုလျှော့စေပြီး သူငယ်ချင်းတွေနဲ့လည်းရင်းနှိးနာလည်မှုတွေပိုရလာမှာပါ။ 

 စိတ်ချမ်းသာစွာနေထိုင်ရန်

အားလုံးသိတဲ့အတိုင်း စလုံးမှာက အလုပ်လုပ်နေရင် စိတ်ပင်ပန်းမှုတွေ၊ စိတ်ဖိစည်းမှုတွေ အနည်းနဲ့အများ ရှိနေကြတာဘဲ။ ဒါကြောင့် အားလုံးက ကိုယ့်စိတ်ပျော်ရွှင်စရာလေးတွေကို ဖန်တီးရင်း ဘဝအမောတွေကို ဖြေနေကြတယ်လေ။ အရက်ကြိုက်တတ်တဲ့သူဆို ပိတ်ရက်တွေမှာ အရက်ကလေးနဲ့၊ အချက်အပြုတ်ဝါသနာပါတဲ့သူကလည်း ကိုယ့်စိတ်ကြိုက်လေးတွေကို ချက်ပြုတ်စားသောက်ရင်းနဲ့ စိတ်အပမ်းဖြေကြတယ်လေ။ ဘာဘဲဖြစ်ဖြစ် လူဆိုတာက ကိုယ်ဝါသနာပါတဲ့အလုပ်ကိုလုပ်နေရရင် ပျော်နေကြတာဘဲ။ ခရီးရှည်(သို့မဟုတ်)ခရီးတိုလေးတွေ ထွက်ခြင်းဟာလည်း စိတ်ပင်ပန်းမှုကို ပြေစေတဲ့အတွက် အနည်းဆုံး တစ်နှစ်တစ်ခေါက်လောက်တော့ သွားသင့်တယ်လေ။ တစ်ခါတစ်လေ ကိုယ့်ကိုကိုယ် ပိုလှသွာအောင်ပြင်လိုက်တာ၊ ကိုယ်အရမ်းကြိုက်တဲ့ အစားအစာလေးတွေကို စားလိုက်ခြင်းဟာလည်း စိတ်ချမ်းသာအောင်လုပ်နည်းတစ်မျိုးပါဘဲ။

စနစ်တကျနေထိုင်ရန်

တခါတလေမှာ ကိုယ့်အခန်းထဲမှာ မလိုအပ်တဲ့ပစ္စည်းတွေနဲ့ ပြည့်နေတတ်တယ်။ မြန်မာတွေရဲ့ထုံးစံအတိုင်း လွင့်ပြစ်ရမှာနှမျှောလွန်းတာကြောင့် သိမ်းထားရင်၊တစ်ချိန်ချိန်မှာအသုံးဝင်လေမလားဆိုပြီး သိမ်ထားရင်းနဲ့ မဝတ်တော့တဲ့အဝတ်တွေ၊ ဘယ်တော့မှပြန်မဖတ်ဖြစ်တော့တဲ့ မဂ္ဂဇင်းအဟောင်းတွေ၊ အသုံးမပြုတော့တဲ့ ပစ္စည်းတွေဟာ တဖြည်းဖြည်းများလာပြီး ရှုပ်ရှက်ခပ်နေတောတော့တယ်။ ကိုယ့်အတွက် အသုံးမဝင်တော့တဲ့အရာတွေကို စွဲလန်းနေမဲ့အစား ခပ်ဝေးဝေးကိုသာ စွန့်ပြစ်လိုက်ပါ။ သန့်ရှင်းသပ်ရပ်နေတဲ့ အခန်းထဲကိုဝင်လိုက်ရတာဟာလည်း စိတ်ချမ်းသာခြင်းတမျိုးပါဘဲ။ 

နှစ်သစ်ကို ကိုယ့်ဖြစ်ချင်တဲ့အရာလေးတွေနဲ့ ကြိုဆိုဖို့အတွက် စဉ်းစားပြီးတဲ့နောက်မှာ လက်တွေ့အကောင်အထည်ဖော်ဖို့အတွက် ဒိုင်ရာရီ(သို့မဟုတ်) ကိုယ့်ရဲ့နေစဉ်မှတ်တမ်းလေးထဲမှာ ချရေးလိုက်တော့။ ဒါမှလည်း နေ့စဉ်ဖတ်မိပြီးတော့ အချိန်တိုင် သတိပေးနေသလိုဖြစ်နေဖို့လေ။ ကိုယ်ချမှတ်ထားတဲ့ စည်မျဉ်းစည်းကမ်းတွေအတိုင်း လုပ်ဆောင်သွားခဲ့ရင် နှစ်သစ်ကပျော်ရွှင်မှုတွေနဲ့ ပြည့်စုံနေမှာပါ။

ပျော်ရွှင်ရသောနှစ်သစ်ဖြစ်ပါစေ......

အာရှတွင် ဝိတ်အများဆုံးချနိုင်သူ

ဒီနေ့မနက် ပုံမှန်အချိန်အတိုင်း ရုံးရောက်တယ်။ ဂျီမေး(လ်)ဖွင့်တယ်၊ ဖေ့ဘုတ်ဖွင့်တယ်၊ ဖတ်စရာရှိတာတွေဖတ်တယ်။ နောက်ဆုံးမှ ရုံးကအီးမေး(လ်)ကိုဖွင့်တယ်။ အလုပ်နဲ့ဆိုင်တဲ့ အီးမေး(လ်)မရှိဘူးဆိုပြီး ဆက်ပြီးမဖတ်တော့ဘူး။ အချိန်နည်းနည်းကြာမှ ရုံးကအီးမေး(လ်)ကို တစ်ခေါက်ပြန်စစ်တော့ ခေါင်းစဉ်ကိုဖတ်လိုက်တာနဲ့ တော်တော်လေး စိတ်ဝင်စားသွားတယ်။ အာရှမှာ ဝိတ်အများဆုံးချနိုင်သူ စင်ကာပူလူမျိုးတစ်ယောက်ဆိုပါလား။ ဒီနေ့ စရိတ်တိုင်းသတင်းစာမှာတော့ "Biggest Loser Asia" ခေါင်းစဉ်နဲ့ ဖော်ပြထားပါတယ်။ 

Raj Viveganandam ဆိုတဲ့ အသက်၂၄နှစ်သာရှိသော ကောင်လေးက "The Biggest Loser Asia Season 2" မှာ ဝိတ်များဆုံးချနိုင်တဲ့ဆုကို ရရှိခဲ့ပါတယ်။  သူ့ရဲ့ကြိုးစား အားထုတ်မှုကြောင့် 67Kg လျော့ကျသွားတာကတော့ တော်တော်လေး အံသြဖို့ကောင်းပါတယ်။ အခုဆိုရင် သူဟာ 77Kg သာရှိပြီး နဂိုအော်ရီဂျင်နယ်ဝိတ် 144Kgရဲ့ တဝက်နီးနီးကိုလျှော့ချနိုင်ခဲ့တယ်။သူ့ခန္ဒာကိုယ်အချိုးအစားရဲ့ 46.53% ကိုလျှော့ချနိုင်ခဲ့ပြီး သူရဲ့ ပြိုင်ဘက်ဖြစ်တဲ့ ထိုင်းနိုင်ငံက Atikom Laksanapanai ကိုအနိုင်ရရှိခဲ့ပါတယ်။ တတိယဆုကိုရခဲ့သူကတော့ ဖိလစ်ပင်းနိုင်ငံက Mr Genghis Khan Enrique ဖြစ်ပါတယ်။ ခုလိုကြိုးစားအားထုတ်မှုရဲ့ရလဒ်ဆုအနေနဲ့ US$ 100,000 (S$130,200) ကိုရရှိခဲ့ပါတယ်။  

အခုလိုပြိုင်ပွဲဝင်နိုင်ဖို့အတွက် မလေရှားနိုင်ငံ ပူတာဂျာရားမှာရှိတဲ့ IOI Resort မှာ သုံးလတိုင်တိုင် ကန့်သွင်းပြီး ကြိုးစားခဲ့ရပါတယ်။ ကန့်သွင်းတဲ့အချိန် ပြီးသွားခဲ့ပေမဲ့လည်း ကိုယ်တိုင်ဆက်လက်ပြီး ကြိုးစားခဲ့ပါတယ်။ သူပြောခဲ့တာက ကန့်မှာနေတဲ့အချိန်ထက် အပြင်မှာကြိုးစားခဲ့ရဆတဲ့အချိန်တွေက ပိုပြီးသူ့အတွက် ခက်ခဲပါတယ်တဲ့။ ကန့်ကပြန်လာပြီးနောက်ပိုင် Gym မှာ တစ်ပတ်ကိုခုနစ်ရက် မနက် ၉နာရီ မှ ည၉နာရီတိုင်တိုင် ကြိုးစားလေ့ကျင့်ခဲ့တယ်။  ကန့်ကပြန်လာပြီးနောက်ပိုင်း တစ်ရက်မှ အနားမယူဘဲ ဆက်တိုက်လေ့ကျင့်ခဲ့တာ ဘာကြောင့်ဆိုတာ သူကိုယ်သူ နာမလည်နိုင်ခဲ့ပါဘူးလို့  ပြောခဲ့တယ်။ သူ့ရဲ့ကြိုးစားအားထုတ်မှုနဲ့ အကောင်မြင် စိတ်ဓာတ်တွေဟာ ထောင်ပေါင်းများစွာသော မကောင်မြင်ဝါဒသမားတွေကို အနိုင်ရအောင် စွမ်းဆောင်နိုင်ခဲ့ပါတယ်။  အောင်မြင်လိုတဲ့စိတ်ဓာတ်ကတော့  အဓိကသောချက်ဖြစ်ပါတယ်။ 

ဒါကြောင့် ကိုယ့်စိတ်ထဲမှာ ဖြစ်ချင်လာတဲ့အရာတစ်ခုကို ဖြစ်အောင်လုပ်ဖို့အတွက် အောင်မြင်လိုတဲ့စိတ်ဓာတ် ပြင်းပြင်းထန်ထန်ရှိရပါမယ်။ ပြီးရင် သင့်တော်တဲ့ကြိုးစားအားထုတ်မှု ရှိမယ်ဆိုရင် ကိုယ်ဖြစ်ချင်တဲ့ဆန္ဒတစ်ခု အချိန်တိုတိုအတွင်းမှာ ဖြစ်လာနိုင်ပါတယ်။ ဒီအကြောင်းအရာကိုဖတ်နေချိန်မှာဘဲ သူတောင် ၇၆ကီလိုကို ချနိုင်တာ ငါဘာလို့မဖြစ်နိုင်ရမှာလဲဆိုတဲ့ စိတ်ကအလိုလိုဝင်လာခဲ့တယ်။ 

ကဲလက်တွေ့ကြည့်ပြီးမှယုံချင်တယ်ဆိုရင်တော့ ဒီအပတ်   စနေနေ့ 2pm နဲ့ 8pm၊ တနင်္ဂနွေနေ့ 8am နဲ့ 10pmမှာ Diva Universal (StarHub Channel 522) ကိုဖွင့်ပြီးစောင့်ကြည်ပေါ့နော။

အိမ်ပြန်ချိန်

Holiday Mood  ဝင်နေပါသည် .... ဘလော့ရေးရန်လည်း စိတ်မဝင်စားပါ... နှုတ်ဆက်တဲ့ ပို့လေးရေးဖို့လည်း ဘယ်လိုမှ အာရုံမရပါ.... အိမ်ပြန်ရင် ဘာလုပ်မယ် ဘာစားမယ်ဆိုတာတွေဘဲ တန်းစီတွေးနေမိသည်....
အ်ိမ်ပြန်ချိန်တွေကတော့ အမြဲတမ်း ရင်ခုန်စရာကောင်းပါတယ်။ အိမ်ပြန်ရတောမယ်ဆိုတဲ့အသိက ရင်ကိုနွေးထွေးစေတယ်....မွန်းကျပ်မှုတွေ စိတ်အားငယ်မှုတွေရှိလာတိုင်း အရင်ဆုံးသတိရမိတာက အမေ့ရဲ့အိမ်လေ... အဝေးမှာနေရတဲ့သူတိုင်းအိမ်ကို လွမ်းစွတ်တမ်းတာမိကြတာ သဘာဝပါ.... ရန်ကုန်ရောက်တဲ့နေ့ဘဲ ညနေဘက် ညကားစီးပြီးမေမြို့ ပြန်မယ်...တစ်ယောက်ထဲခရီးသွားရတာလဲ တစ်ခါတလေတော့ ကောင်းပါတယ်...  ညဘက်တစ်ညလုံး ကားစီးရတဲ့ အရသာကိုလည်း ကြိုက်တယ်..... တစ်ညလုံးကားစီး လမ်းမှာရပ်ပေးတဲ့ ညလည်းစားကိုစားလိုက် ပြန်အိပ်လိုက်နဲ့ မနက်စောစော လေးငါးနာရီဆို မန္တလေးရောက်ပြီ.... ကားက ရန်ကုန်-ပြင်ဦးလွင် တိုက်ရိုက်ဆိုတော့ မေမြို့  - မန္တလေးတောင်တက်လမ်းတွေကို express ကားကြီးနဲ့ တက်ရတာလဲ တစ်မျိုးတော့ ရင်ခုန်ချင်စရာကောင်းသား... နှစ်ဆယ့်တစ်မိုင်မှာ မနက်စားလေးစားပြီး ခြောက်ထပ်ကွေ့ကို ကားကြီးနဲ့တက်...နည်းနည်းတော့ ကြောက်စရာကောင်းတယ်.... မနက်ခုနစ်နာရီခွဲလောက်ဆို မေမြို့  ဝင်ပြီ..

ဆောင်းတွင်းရောက်နေပြီဆိုတော့ အရောင်အသွေးစုံနေတဲ့ဆွယ်တာလေးတွေရယ်... အရောင်စုံပွင့်နေတဲ့ ပန်းပေါင်းမျိုးစုံကို မြင်ခွင့်ရတော့မယ်.... ချယ်ရီပန်းတွေ့ ပွင့်တဲ့အချိန်မဟုတ်လို့ ချယ်ရီကိုတော့ မြင်ခွင့်ရမယ်မထင်ဘူး.... ဘာပဲဖြစ်ဖြစ်လေ ဆောင်းချမ်းချမ်းမှာ ဆိုင်ကယ်ကို ခပ်ကြမ်းကြမ်းစီးပြီး လျှောက်သွားတဲအရသာကိုကြိုက်တယ်.... ညဘက်ဆို ခြေလက်တွေအေးကိုက်နေတဲ့အထိ ဆိုင်ကယ်စီးပြီး လျှောက်သွားလေ့ရှိတယ်.... စတော်ဘယ်ရီတွေလည်းပေါ်နေလောက်ပြီ်ဆိုတော့ ထီးလှိုင်ကိုသွား.... စတော်ဘယ်ရီးတွေကို ကိုယ်တိုင်ခူးပြီးသောက်ရတာလည်း ပျော်စရာတမျိုးဘဲ....

မေမြို့ရောက်ပြီဆိုတာနဲ့ တန်ဆောင်တိုင်မီးပုံးပျံပွဲက စနေပြီလေ... အရင်နှစ်က တစ်ရက်တည်းကြည့်ပြီးပြန်လာရတော့ မီးပုံးတွေ အကုန်မကြည့်ခဲ့ရဘူး... ဒီနှစ်မှာတော့ အစအဆုံးကြည့်ရတော့မယ်... တောင်ကြီးတန်ဆောင်တိုင်လောက်မစီကားပေမဲ့ တော်တော်လေး စီတဲ့ ပွဲတစ်ပွဲပါ... မီးပုံးပျံပွဲမှာ IC Show နှစ်ညပါတယ်ဆိုတဲ့ သတင်းကလည်းရထားတော့ အနည်းဆုံးတစ်ညတော့ ကြည့်ဖြစ်အောင် ကြည့်ဦးမယ်....  နှင်တွေဝေနေတဲ့ ပွဲဈေးတန်းမှာ  ရဟတ်စီးရတာကလည်း ပျော်စရာကောင်းတယ်....

အိမ်ပြန်ရောက်ရင် အမျိုးတွေကို လှည့်ပတ်ပြီးကန်တော့လေ့ရှိတယ်...  အရင်တုန်းက အဲလိုကတော့ရင် အဖွားတွေ၊အဒေါ်တွေက မုန်းဖိုးပေးလေ့ရှိတယ်.. အဲဒီအချိန်တုန်းကဆို ကန်တော့ရတာကို အရမ်းပျော်တယ် မုန့်ဖိုးတွေ အမျာကြီးရလို့... အခုကျတော့ ကိုယ်ကပြန်ပြီးတော့ပေးတဲ့ အလှည့်ကိုရောက်ပြီလေ... ယူရတဲ့ အရသာထက် ပေးရတဲ့ အခါရလာတဲ့ပီတီက ပိုပြီးချိုမြိန်ပါတယ်....

စင်္ကာပူရေ.... နင်ရဲ့ ခန်းနားထယ်ဝါမှုတွေကို ခဏစွန့်ပြီး ငါချစ်တဲ့မြို့လေးကို ပြန်ဦးမယ်.... ငါမရှိပေမဲ့ နင်ကတော့ ပုံမှန်လည်ပတ်နေမှာပါ... ဒါပေမဲ့ ငါနင့်ကိုအကြာကြီးခွဲမနေနိုင်ပါဘူး... ငါပြန်လာဦးမှာပါ..... ငါ့ရဲ့  ဘဝကိုအကောင်းဆုံးဖြစ်အောင်တည်ဆောက်ဖို့အတွက် နင့်ရဲ့အကူအညီတွေ ငါလိုအပ်နေဦးမှာပါ...

ကျွန်မနှင့် ဖိနပ်များ

ဖိနပ်ဆိုတာ လူတစ်ဦးတစ်ယောက်အတွက် အမြဲတမ်းလိုအပ်နေတဲ့ မရှိမဖြစ်အရာတစ်ခုပါ။ ဖိနပ်တွေကို ကြိုက်တတ်တဲ့ကျွန်မ ဖိနပ်တွေအများကြီးဝယ်တတ်တဲ့အကျင့်က အဆန်းတော့ မဟုတ်ပါဘူး။ အမြဲတမ်းလိုလို ဆယ်ရံထက်မနဲ့တဲ့ ကျွန်မရဲ့ဖိနပ်တွေဟာ တခါတလေမှာတော့ အလုပ်ရှုပ်သား.. အထူးသဖြင့် အိပ်ခဏခဏပြောင်းလွန်းတဲ့ကျွန်မအတွက် ဖိနပ်တွေကို သိမ်းရတာအလုပ်တစ်ခုပါဘဲ။

တချို့ဖိနပ်တွေက ဈေးအင်မတန်ကြီးသလို လှပဆန်းသစ်မှုဟာလည်း အမျိုးမျိုးရှိကြပြန်တယ်။ တလောက ကမ္ဘာ့ဈေးအကြီးဆုံး ဖိနပ်တစ်ရံဆိုပြီး ဖတ်လိုက်မိတယ်။ ကျောက်မျက်ရတနာ ဒီဇိုင်းပညာရှင် Christopher Michael Shellis ဖန်တီးထားတဲ့ Eternal Diamond (အဆုံးမဲ့ ထာဝရစိန်) လို့ခေါ်တဲ့ ဒေါက်မြင့်ဖိနပ် ကို ရောင်းဈေးက ပေါင် ၁၀၀,၀၀၀ (အမေရိကန်ဒေါ်လာ ၁၅၅,၀၀၀) တန်ပါသတဲ့။ အဲလောက်ဈေးကြီးတဲ့ဖိနပ်ကိုတော့ ဝယ်စီးဖို့စိတ်ကူးမရှိတာအမှန်ပါ…

တချို့ဖိနပ်တွေက ဈေးအနည်းငယ်ကြီးတယ်။ တော်တော်လေးလှတော့ စီးချင်တဲ့စိတ်ဖြစ်မိတာနဲ့ ဝယ်လိုက်တယ်။ ဆိုင်မှာ ခဏစီးကြည့်တာတော့လည်း အဆင်ပြေနေတာဘဲလေ။ တကယ်တမ်း စီးတဲ့အခါမှာတော့ မျက်ရည်ကျလောက်အောင် နာကျင်ပြီ ဒုက္ခပေးတဲ့ အတွက်ကြောင့် ခဏသာစီးပြီး ဘယ်တော့မှ ထပ်မစီးဖြစ်တဲ့ ဖိနပ်တစ်ရံလည်း ရှိခဲ့ဘူးတယ်။ ဘယ်လောက်ဘဲကြိုက်ကြိုက် ကိုယ်နဲ့ အဆင်မပြေတဲ့ဖိနပ်ကိုတော့ ကြိတ်မှိတ်ပြီးမစီးနိုင်ပါဘူး။

တချို့ဖိနပ်ကျပြန်တော့ ဈေးလည်းသိပ်မကြီးဘူး။ ပေါ့ပေါ့ပါးပါး ရိုးရိုးရှင်းရှင်းနဲ့ စီလို့ကောင်းတယ်။ ခြေထောက်ကိုလည်းပေါက်ပြဲမှု မရှိဘူး။ ဒါပေမဲ့ နေရာတိုင်းကို စီးဖို့မသင့်တော်တဲ့အတွက် အကြမ်းစီးဖို့အတွက်ဘဲ အသုံးဝင်စေတယ်။ ကိုယ်သွားမဲ့ နေရာဒေသနဲ့ လိုက်ဖက်မှုမရှိဘူးဆိုမှတော့ ဘယ်လောက်ပဲ စီးလို့ကောင်းကောင်း အမြဲတမ်းစီးနေဖို့က မဖြစ်နိုင်ဘူးလေ။

တချို့ဖိနပ်တွေက ဈေးနှုန်းအားဖြင့် သင့်တင့်တယ်။ လှတပတနဲ့ စီးလိုက်တဲ့အခါတိုင်းမှာ နာကျင်မှုမရှိဘဲ ပေါ့ပါးလွတ်လပ်တယ၊် လမ်းလျှောက်တဲ့အခါမှာ သက်တောင့် သက်သာနဲ့ လိုရာခရီးကို အဆင်ပြေပြေသွားနိုင်တယ် ။ သပ်သပ်ရပ်ရပ်၊ ခိုင်ခိုင်ခံ့ခံ့နဲ့ ခေတ်မှီ လှပအောင်ချုပ်ထားတဲ့ ဖိနပ်တစ်ရံကိုတော့ အမြဲတမ်းစီးဖို့ ရွေးချယ်ပါတယ်။ ဒီဇိုင်းအရမ်းဆန်းလွန်းရင်လည်း ခဏလေးနဲ့ ရိုးသွားတတ်တာကြောင့် ခပ်ရှုပ်ရှုပ်ဒီဇိုင်းတွေကို ရွေးလေ့မရှိဘူး။ အမြင်အားဖြင့် ခပ်ရှင်းရှင်း၊ မရိုးလွန်း မဆန်းလွန်တဲ့ ဖိနပ်လေးကိုတော့ တော်တော်လေးကြိုက်မိတယ်။

မိန်ကလေးတစ်ယောက်အနေနဲ့ မိမိဘဝလက်တွဲဖော်ရွေးတဲ့အခါ ဖိနပ်တစ်ရံကို ရွေးချယ်သလို သေသေချာချာရွေးနိုင်မှသာ ကိုယ့်ဘဝအတွက် အဆင်ပြေနိုင်မဲ့သူကို ရှာဖွေနိုင်ပါလိမ့်မယ်။ အပေါ်မှာပြောခဲ့တဲ့ ဖိနပ်တွေနဲ့နှိုင်းယှဉ်ရရင် နောက်ဆုံးပြောခဲ့တဲ့ အမျိုးအစားလို ကိုယ့်အတွက် အဆင်ပြေနိုင်မဲ့သူတစ်ယောက်ကို ရွေးချယ်နိုင်ခဲ့ရင်တော့ ပျော်ပျော်ရွှင်ရွှင်နဲ့ ဘဝခရီးကို လျှောက်လှမ်းနိုင်မှာပါ…….

ချစ်သူ…..

ဆုံတွေ့ခြင်းဟာ

ခွဲခွာရခြင်းရဲ့ နိဒါန်လေ....

မမျှော်လင့်ဘဲ ရင်ထဲကိုဝင်လာပြီ

ရုတ်တရက်

ပြန်လည်ထွက်ခွာသွားတဲ့ ချစ်သူ…..

ခွန်းဆင့်သံချိူ စကားလုံးတွေကို

ပြန်လည်းကာကြား

လွမ်းစွတ်တမ်းတ

ရင်မှာ ငိုကြွေးရပြီလေ……

ပျော်ရွှင်ကြည်နူး

ရင်ခုန်ခဲ့ရတဲ့နေ့ရက်တချို့

ရှောင်ပုန်းထွက်ခွာလို့

လွမ်းစွတ် ကြေကွဲမှုတွေနဲ့

ရှင်သန်နေရဦးမယ်လေ…..

ရင်ကိုနွေးထွေစေတဲ့

စကားလုံးတစ်ချို့ကို

ပြန်လည်ကြားယောင်ရင်း …..

ဟန်ဆောင်မှုကင်းတဲ့

ချစ်ခြင်းတချို့ကို

ရင်ထဲမှာ သိမ်းထားရင်းနဲ့

နားလည်စွာနဲ့ ချစ်နေမှာပါ

ပျော်ရွှင်ပါစေ ချစ်သူ ……..

မျှော်လင့်ချက် စိတ်ကူး အိပ်မက်

လူတိုင်းလူတိုင်းမှာ အိပ်မက်တွေရှိခဲ့ကြပါတယ်။ ငယ်ငယ်တုန်းက ကလေးဘဝတုန်းကဆိုရင် ဆရာဝန်ကြီးဖြစ်ချင်တယ်၊ စစ်ဗိုလ်ကြီးဖြစ်ချင်တယ်၊ အဆိုတော်ဖြစ်ချင်တယ်၊ ဆူပါမန်းဖြစ်ချင်တယ် အစရှိသဖြင့်ပေါ့။ ငယ်ငယ်တုန်းကဆိုတော့ ဘာကိုမှမတွေးဘူး ဖြစ်ချင်တာကိုဘဲ ထုတ်ဖော်ပြောကြတယ်။ ဖြစ်နိုင်ချေရှိမရှိဆိုတာလဲ တွေးလေ့မရှိဘူး။ ဒါကြောင့် လေးတွေရဲ့စိတ်ကူးက လွတ်လပ်တယ်၊ ဘောင်ကန့်သတ်ချက်မရှိဘူး။ အသက်နည်းနည်းကြီးလာတော့ အိပ်မက်တွေကနည်းနည်းလက်တွေ့ဆန်လာပြီ။ ဆယ်တန်းမှာ အောင်မှတ်လောက်နဲ့ ကပ်ပြီးအောင်ခဲ့ရင် ဆရာဝန်ဖြစ်နိုင်ဖို့လမ်းက မရှိသလောက်ဖြစ်သွားပြီ… သူ့ရဲ့အိမ်မက်ကလည်း တဖြည်းဖြည်းပြောင်းလဲသွားခဲ့ရတယ်။ ဖြစ်နိုင်ချေရှိမရှိဆိုတာကို စမ်းစစ်တတ်လာခဲ့ပြီလေ။ ဒါကြောင့် ကလေးတွေရဲ့အိပ်မက်တွေလောက် လွတ်လပ်မှုမရှိတော့ဘူး။

လူတိုင်းမှာ အိပ်မက်တွေရှိခဲ့ကြသလို ကျွန်မမှာလဲ ရှိခဲ့ဖူးတယ်… ငယ်ငယ်တုန်းကတော့ အောင်မြင်တဲ့စီးပွားရေးလုပ်ငန်းရှင်ကြီးပေါ့… ကွန်ပျူတာ ဒုတိယနှစ်တက်နေရင်း နိုင်ငံခြားမှာ System Analyst လောက်လုပ်ရင်ဘဲ လစာ ၂၀၀၀ အထက်မှာရှိတယ်လို့ ဆရာမကပြောတော့ အိပ်မက်ကပြောင်းသွားရော… ကျောင်းပြီးရင်နိုင်ငံခြားမှာ ကွန်ပျူတာပညာရှင်အနေနဲ့ အလုပ်လုပ်မယ်ပေါ့… မိဘတွေက ပတ်စပို့ပေးမလုပ်တာတောင် ခိုးပြီးလုပ်ထားလိုက်သေးတယ်။ နိုင်ငံခြားထွက်မလာခင်ချိန်ထိတော့ ကျွန်မရဲ့စိတ်ကူးအိပ်မက်တွေက သိပ်ပြီးကွာဟမှု မရှိသေးပါဘူး… နိုင်ငံခြားမှာအလုပ်သွားလုပ်မယ် မပျော်သုံးနှစ် ပျော်ငါးနှစ် ဆိုပြီးကြွေးကြော်ခဲ့တာ.. ပြီးရင် ကိုယ့်နိုင်ငံမှာဘဲ အခြေချပြီး စီးပွားရေးပြန်လုပ်မယ်ပေါ့။ အခုတောင်လေးနှစ်ပြည့်တော့မယ် ဘာမှဖြစ်မလာသေးဘူး။ စိတ်ကူးနဲ့လက်တွေ့ဘဝက ပြောင်းပြန်အချိုးကျနေပြန်ရော။

စလုံးကိုလည်းရောက်ပြီး အလုပ်လုပ်နေလိုက်တာ အခက်အခဲပေါင်းစုံ ပြသနာပေါင်းစုံနဲ့ လုံးခြာလိုက်ပြီးသကာလ စိတ်ကူးအိပ်မက်ဆိုတာတွေအားလုံး ဘယ်ပျောက်သွားမှန်းကိုမသိတော့ဘူး။ တနေ့တနေ့ စက်ရုပ်ဆန်ဆန်ဘဝကိုဖြတ်သန်းရင်း အိပ်မက်တွေပျောက်ဆုံးသွားခဲ့တယ်။ အခုတော့လည်း စိတ်ကူးအိပ်မက်တွေက တစ်မျိုးပြောင်းလဲသွားပြန်ပြီ။ လုပ်ငန်းတစ်ခုမှာ အောင်မြင်အောင်လုပ်မယ်။ ပြီးရင် တစ်ကမ္ဘာလုံးမှာ ကိုယ်မရောက်ဖူးတဲ့နေရာတွေကို လျှောက်သွားမယ်လို့…

စိတ်ကူးအိပ်မက်ဆိုတာကတော့လွတ်လပ်တယ်လေ။ ကိုယ်ဖြစ်ချင်တာတွေ ကိုယ်လုပ်ချင်တာတွေကို စိတ်ကြိုက်ပုံဖော်ခွင့်ရှိတယ်။ အဲဒီစိတ်ကူးအိပ်မက်တွေကို လက်တွေ့ဘယ်လို အကောင်အထည် ဖော်မလဲဆိုတာကတော့ ကိုယ်တိုင်ဆုံးဖြတ်ချက် လိုလိမ့်မယ်။ လေးစားရတဲ့သူတစ်ယောက်က ပြောဖူးတယ်… ကိုယ့်ရဲ့စိတ်ကူးအိပ်မက်တွေကို ချရေးလိုက်ပါတဲ့။ ဥပမာ

၁) ကမ်းခြေနားမှာ အိပ်တစ်လုံးဝယ်မယ်

၂) ဘီအမ်ဒဗလျူ ကားဝယ်စီးမယ်

၃) တစ်ကမ္ဘာလုံးကို ခရီးသွားမယ်

၎) ……………………………………

၅) ………………………………… အစရှိသဖြင့်ပေါ့လေ။ ကိုယ်ဖြစ်ချင်တာတွေကို အကုန်ချရေလိုက်ပါ၊ ပြီရင် မြင်သာတဲ့နေရာမှာ ချိတ်ထားလိုက်ပါ။ ကိုယ့်ရဲ့စိတ်ကူးတွေကို အကောင်အထည်ဖော်ဖို့အတွက် တွန်းအားတစ်ခုရလာလိမ့်မယ်။ စိတ်ကူးတွေကိုမြင်အောင်ကြည့်ပြီး လက်တွေ့အကောင်အထည်ဖော်ကြည့်ပါတဲ့။ စိတ်ကူးတွေတကယ်ဖြစ်လာတာကို တွေ့ရလိမ့်မယ်တဲ့။

လက်တွေ့အကောင်အထည်ဖော်တယ်ဆိုတဲ့အခါမှာလဲ ကိုယ်ရွေးချယ်ထားတဲ့လမ်းက ကိုယ့်အိပ်မက်တွေကို ဖြည့်ဆည်းပေးနိုင်ရဲ့လားလို့ စမ်းစစ်ကြည့်ဖို့ လိုအပ်သေးတယ်။ ရောင်းအားအကောင်းဆုံးစားအုပ်တစ်အုပ်ရဲ့ ခေါင်းစဉ်တစ်ခုကိုလည်း သဘောကျမိတယ် “သင်ဟာ မှန်ကန်တဲ့ထိုင်ခုံတစ်ခုမှာ ထိုင်ပြီးပြီလား” တဲ့။ ဆိုလိုတာက လောကကြီမှာ အောင်မြင်မှုရဖို့အတွက် နေရာတွေအများကြီးရှိတယ်။ မှန်ကန်တဲ့နေရာတစ်ခုကို ရွေးချယ်မှသာ ကိုယ့်ရဲ့အောင်မြင်မှုဆီကို အရောက်လှမ်းနိုင်ပါလိမ့်မယ်။

အိပ်မက်တွေမက်ခွင့်ရှိတဲ့ဘဝမှာ လွတ်လပ်စွာပျံသန်းလိုက်ပါ။ အကန့်အသတ်မရှိ မက်ခွင့်ရှိပါတယ်။ လက်တွေ့အကောင်အထည်ဖော်ဖို့ကတော့ လူတစ်ဦးချင်းစီရဲ့ လုပ်ဆောင်နိုင်မှုနဲ့ ဆိုင်ပါလိမ့်မယ်။ ဒီပို့စ်လေးကိုဖတ်ပြီး စာဖတ်သူရဲ့ စိတ်ကူးအိမ်မက်တချို့ ပြန်လည်ရှင်သန်လာခဲ့ရင် အတိုင်းထက်အလွန် ဝမ်းသာမိမှာပါ……

ပြန်လည်ရောက်ရှိခြင်း

တစ်ခါတလေတော့လည်း စာရေးချင်တဲ့စိတ်က သူ့အလိုလိုဖြစ်လာမိတယ်... ဘလော့ရေးတာကလည်း စိတ်ထွက်ပေါက်တစ်ခုလိုဘဲလေ။ စိတ်ထဲမှာဖြစ်နေတာတွေကို ချရေးလိုက်တော့လည်း ရင်ထဲမှာ နဲနဲပေါ့သွားတာပေါ့။ ဘလော့မရေးတာလဲ တော်တော်ကြာခဲ့ပြီလေ... ၂၀၀၉ လောက်ကရေးထားတဲ့ ဘလော့တချို့ co.cc ဒိုမိန်းမှာ ကျန်ခဲ့တယ်။ သက်တမ်းကုန်ခါနီးတုန်းကလည်း ဘက်ကပ်မလုပ်ထားလိုက်မိတော့ ခုအားလုံးပျောက်သွားတယ်။ အဲဒီအချိန်တုန်းကလည်း စိတ်နဲ့လူနဲ့က သိပ်ပြီးလမိုင်းမကပ်ဘူး။ နောက်ပိုင်းဘလော့ဆက်မရေးတော့ဘူးဆိုပြီး ဒီအတိုင်းဘဲ လွတ်ထားလိုက်တယ်။ တချို့ ပို့စ်လေးတွေကိုတော့နှမျောမိတယ်။ ကောင်းပါတယ်လေ။ ဘဝရဲ့ နာကြင်စရာအစိတ်အပိုင်းအချို့ ကို လက်ရှိအချိန်ထိ ပါမလာအောင် ချန်လှပ်ထားခဲ့တယ်လို့ သဘောထားလိုက်တယ်။ ဘဝမှာလည်း ကိုယ်မလိုချင်တဲ့ အချိန်တွေကို ဖြတ်တောက်ပြစ်လို့ရရင်အကောင်းသားဘဲ။ စိတ်ကူယဉ်မှုသက်သက်ပါ။

ဘလော့ပြန်ရေးရင်ကောင်းမလားလို့ စတေးတပ်တင်ထားလိုက်တော့ တချို့ ကဝမ်းသာအားရနဲ့ ပြန်ရေးပါတဲ့ အားပေးမယ်တဲ့ ... တချို့ ကလည်း မရေးပါနဲ့တဲ့ အချိန်ကုန် အကျိုးမရှိဖြစ်မယ်တဲ့... ဒါပေမဲ့ ရေးစေချင်တဲ့သူကပိုများတယ်လေ.... ကိုယ့်အနေနဲ့ကတော့ အချိန်ကုန် အကျိုးမရှိဖြစ်တယ်လို့ မခံယူပါဘူး။ ကိုယ်လုပ်ချင်တဲ့အလုပ်တစ်ကိုလုပ်နေရရင် အကျိုးရှိတယ်မရှိဘူးဆိုတာထက် ကိုယ့်စိတ်ကျေနပ်ဖို့က အဓိကပါ။ ကိုယ်စိတ်ဝင်စားတဲ့ အလုပ်ကိုလုပ်နေရင်းနဲ့ အချိန်ကုန်သွားတာက ပိုကောင်းပါတယ်။ ဘဝဆိုတာ အချိန်တိုတစ်ခုပါဘဲ။ အဲဒီထဲမှာမှ စိတ်ချမ်းချမ်းသာသာ အေးအေးချမ်းချမ်း ရှင်သန်နေထိုင်သွားရရင် ပိုမကောင်းဘူးလား..... ပျော်ရွင်မှုတွေ စိတ်ပျက်စရာတွေ ရှိလာရင်လည်း အပြုံးမပျက်ကြံကြံခံရင်းပေါ့..


ဘလော့ပြန်ရေးမယ်ဆိုတော့လည်း ဘယ်လိုအကြောင်းအရာကို ရေးရင်ကောင်းမလဲဆိုတာကို စဉ်းစားရပြန်ရော။ အကြောင်းအရာတွေ မထပ်ဘဲ အမြဲမပျက်ရေးနိုင်ကြတဲ့ ဘလော့ဂါတွေကို လေးစားပါတယ်။ စာရေးတာကြာလာလေ သူတို့ရေးတဲ့ပို့စ်တွေက ပိုကောင်းလားလေလို့ ထင်မိတယ်။ လက်ရည်တတ်လာတယ်လို့ဆိုမလားဘဲ။ ဘာဘဲဖြစ်ဖြစ် ဒီလောကကြီးထဲမှာ တဖန်ပြန်ပြီး ရှင်သန်လိုက်ဦးမယ် .... ပေါ်တစ်ခါပျောက်တစ်လှည့်ပေါ့.. ကိုယ်ဖြစ်ချင်တာ ကိုယ်လုပ်ချင်တာကိုလုပ်ပြီး ကုိုယ်ကိုယ်တိုင်ပျော်ရွှင်မှုကို ရှာနိုင်ဖို့က အရေးအကြီးဆုံးပဲ လို့ထင်ပါတယ်။ ကုိုယ့်ပတ်ဝန်းကျင်ကို မထိခုိုက်စေဘဲနဲ့ပေါ့။

ကဲ..... ပြန်လည်းရောက်ရှိခြင်းနဲ့ မိတ်ဆက်လိုက်လိုက်ပါပြီ.... စိတ်ထဲမှာရှိရင် ရှိသလိုရေးချတဲ့နေရာတစ်ခုကို ဖန်းတီးရင်းနဲ့ .....

နှုတ်ဆက်ပါတယ် blogspot ရယ်

wordpress ပြောင်းနေတာ တော်တော်ကြာပါပြီ။ co.cc မှာ ဒိုမိန်အသစ်ဆောက်လိုက် "This domain is under examination at the moment. It will be finished within 24 hours! " ကြီးပေါ်လာလိုက်.. 24 hours စောင့်လိုက် .... 48 hours စောင့်လိုက် ...72 hours စောင့်လိုက်... စိတ်မရှည်လို့ ဒိုမိန်းအသစ်တစ်ခုထပ်ဆောက်လိုက် ... 24 hours! ကြီးနဲ့ပြန်တွေလိုက် မုန်းလုံးစက္ကူကပ် ဖြစ်နေလိုက်တာကြောင့် စိတ်တိုနေတာနဲ့ ပစ်ထားလိုက်တယ်.. ဒိုမိန်နိမ်းရသွားတော့လည်း blogspot လိပ်စာကို co.cc မှာ forword လုပ်တာ 24 hours! ကြီးနဲ့ပြန်တွေနေလို့ ဘာလုပ်ရမှန်းမသိဘဲ ဒီအတိုင်ထားလိုက်တယ်။ ဖွင့်ပြီးကြည့်ကြည့်နေတာဘဲများတယ်။ လာလည်တဲ့သူတွေကိုလည်းအားနာတာရယ် ဘလော့လည်းဆက်မရေးဘဲ ကြာကြာမနေနိုင်တာရယ်ကြောင့် ဒီပို့လေးကိုစရေးပါတယ်။ နောက်ပိုင်း ပို့တွေဆက်ရေးရင် wordpress မှာဘဲတင်ပါတော့မယ်။ လိပ်စာက http://ewphyo.co.cc/ ပါ။ လာလည်ကြသူများ wordpress ကိုလိုက်ခဲ့ဖို့ ဖိတ်ခေါ်ပါတယ်။ ပို့အသစ်တွေထပ်ရေးဖို့လည်း စဉ်စားနေပါတယ်။

လာလည်သူများသို့

အခုရက်ပိုင်းမှာ စိတ်ကလည်း ညစ်တစ်တစ်နဲ့မို့ ပို့စ်အသစ်တင်ဖို့လည်း စိတ်မဝင်စား၊ တင်လိုက်မိရင်လည် သူတပါးကို ထိခိုက်မည့် အရေးအသားတွေများဖြစ်နေမလားဆိုပြီး ဘာမှမတင်ဖြစ်တော့ဘူး။ စိတ်ထဲမှာ စာစီထားတဲ့ အကြောင်းအရာတွေကတော့ အများကြီးဘဲ။ လှပတဲ့ အကြောင်းအရာတစ်ခုကိုတော့ တင်သင့် မတင်သင့် စဉ်းစားနေပါတယ်။ တိုက်ပွဲတွေပြင်းထန်နေတဲ့အတွက်ကြောင့် ငြိမ်နေလိုက်ရင် ကောင်မလားလို့လည်း စဉ်းစားမိပါတယ်။ ပို့စ်အသစ်မတင်ဖြစ်တဲ့အတွက်လာလည်ကြတဲ့ သူငယ်ချင်းများကိုလည်း အားနာပါတယ်။ Deleteလုပ်လိုက်တဲပို့စ်များအတွက်လည်း အဆင်မပြေ ဖြစ်သွားရင်လည်း ခွင့်လွှတ်ပေးပါ။ ဘာကြောင့်လည်းလို့မေးခဲ့ရင်လည်း ပြန်မဖြေနိုင်ခဲ့ရင် ထပ်ပြီးတော့ခွင့်လွှတ်ပေးပါ။ ကျွန်မကို ချစ်၍ လာလည်ကြသော၊ မုန်း၍ လာလည်ကြသော သူများကိုလည်း ကျေးဇူးတင်ပါတယ်။ ကျွန်မရဲ့ အရေးအသားများဟာ ဘယ်သူကိုမှ ထိခိုက်နစ်နာစေလိုတဲ့ ရည်ရွယ်ချက် လုံးဝမရှိပါ... သို့သော် ထိုအကြောင်အရာများနှင့်ပတ်သက်၍ အမျိုးအမည် မသိသော စိတ်ညစ်ခြင်းများ ပေါ်ပေါက်ခဲ့ပါသော် နာလည်ခွင့်လွှတ်ပေးစေချင်ပါတယ်။

အခုလောလောဆယ်မှာ wordpress ပြောင်းဖို့လုပ်နေတဲ့အတွက်ကြောင့် ပို့စ်အသစ်တင်ဖို့ အချိန်အနည်းငယ်ခန့် ကြာပါဦးမယ်။ blogspotမှာ အနေကြာလာတော့ နည်းနည်းပျင်းလာတာလည်းပါတယ်။ အပြောင်းအလဲကိုကြိုက်တတ်တဲ့စိတ်ကလည်း တခါတလေတော့ မကောင်းပြန်ဘူး။ wordpress လုပ်ရင် PHP ကိုလည်းသိလာတယ်ဆိုတာကြောင့် wordpress ပြောင်းလိုစိတ်ပြင်းပြလာတယ်။ နောက်ပြီး blogspotမှာ theme ပြောင်းချင်ရင် ဒုက္ခနည်းနည်းရောက်လို့ပါ။ လှတပတ theme ဆိုရင် blogspot မှာထက် wordpress မှာပိုများတဲ့အတွက်ကြောင့်ပါ။ လိပ်စာ(ဒိုမိန်းနိမ်း) လည်း ပြောင်လဲမှုရှိနိုင်ပါတယ်။DNS update ဖြစ်ဖို့အတွက် အချိန်စောင့်နေရတာကြောင့် ဘာကိုမှဆက်လုပ်လို့ မရသေးပါ။

စိတ်ထဲမှာရှိတဲ့အကြောင်းအရာတွေကို စိတ်ထဲမှာမထားတတ်တဲ့အကျင့်ကြောင့် ဘလော့ပေါ်မှာ ရေးချခြင်းဖြစ်ပါတယ်။ လာလည်တဲ့သူများကို ကျေးဇူးတင်ပါတယ်။

ဘာရယ်မဟုတ်ဘူး ဆားချက်လိုက်တာပါ... :P